చిరుత దాడిలో బర్రెదూడ మృతి

చిరుత దాడిలో బర్రె దూడ మరణించింది. ఈ ఘటన వికారాబాద్ జిల్లా కుల్కచర్ల మండల పరిధిలో చోటు చేసుకుంది.

చిరుత దాడిలో బర్రెదూడ మృతి చెందిన ఘటన వికారాబాద్ జిల్లాలో కలకలం రేపింది. కుల్కచర్ల మండలం అనంతసాగర్ గ్రామానికి చెందిన బలిజ చంద్రయ్యకు చెందిన దూడపై (బర్రె పిల్ల) చిరుత దాడి చేసింది. ఈ ఘటనలో దూడ మరణించింది.

తమ గ్రామ పరిసరాల్లో గత కొన్ని నెలలుగా చిరుత సంచరిస్తుందని గ్రామస్థులు తెలిపారు. ఈ విషయమై పలుమార్లు అటవీశాఖ అధికారుల దృష్టికి తీసుకుపోయినప్పటికీ.. చిరుతను బంధించటం లేదని గ్రామస్థులు ఆవేదన వ్యక్తం చేస్తున్నారు.

ఇదీ చదవండి:మైనర్​పై అత్యాచారం.. ముగ్గురు యువకులపై కేసు