అంబర్​పేట్​లో పేలిన యాసిడ్​ ట్యాంక్​.. తప్పిన ప్రమాదం

అంబర్​పేట్ నియోజకవర్గంలోని మారుతీనగర్​లో యాసిడ్​ ట్యాంక్ పేలింది. ఈ ప్రమాదంలో పలువురు అస్వస్థతకు గురయ్యారు. పోలీసులు ఘటనా స్థలికి చేరుకుని పరిస్థితిని అదుపు చేశారు.

హైదరాబాద్​ అంబర్​పేట్ నియోజకవర్గంలోని మారుతి నగర్​లో యాసిడ్​ ట్యాంక్​ పేలింది. రసాయన ద్రావణాలు వీధుల్లోకి చేరడంతో పలువురు స్వల్ప అస్వస్థతకు గురయ్యారు. విషయం తెలుసుకున్న పోలీసులు, స్థానిక నేతలు ఘటనా స్థలికి చేరుకున్నారు. పరిస్థితిని అదుపు చేశారు.

ప్రమాదకరమైన యాసిడ్​ ఫ్యాక్టరీని జనావాసాల నడుమ అక్రమంగా నడుపుతున్నారంటూ స్థానికులు ఆగ్రహం వ్యక్తం చేశారు. పరిశ్రమపై చర్యలు తీసుకోవాలని అధికారులకు ఎన్నిసార్లు ఫిర్యాదు చేసినా పట్టించుకోలేదని ఆరోపించారు. ఇప్పటికైనా తగు చర్యలు తీసుకోవాలని కోరుతున్నారు.