'వైఎస్సార్​ ప్రవేశపెట్టిన పథకాలు దేశానికే ఆదర్శం'

నిజామాబాద్​ జిల్లా కాంగ్రెస్​ కార్యాలయంలో నాయకులు మాజీ ముఖ్యమంత్రి వైఎస్సార్​కు నివాళులర్పించారు. ఆయన ప్రవేశపెట్టిన సంక్షేమ పథకాలను గుర్తు చేసుకున్నారు.

మాజీ ముఖ్యమంత్రి వైయస్ రాజశేఖర్ రెడ్డి వర్ధంతి సందర్భంగా నిజామాబాద్ జిల్లా కాంగ్రెస్ కమిటీ ఆధ్వర్యంలో నాయకులు నివాళులర్పించారు. రాజశేఖర్​రెడ్డి చిత్రపటానికి పూలమాలలు వేసి జిల్లా కాంగ్రెస్ కమిటీ అధ్యక్షుడు మనల మోహన్ రెడ్డి నివాళులర్పించారు. వైఎస్సార్ ప్రవేశపెట్టిన సంక్షేమ పథకాలు దేశానికే ఆదర్శంగా నిలిచాయని మోహన్​రెడ్డి కొనియాడారు. ఎత్తిపోతల పథకాన్ని ఏర్పాటు చేసి జిల్లా రైతాంగాన్ని ఆదుకున్నారని గుర్తు చేసుకున్నారు.