కేసీఆర్​ కోలుకోవాలంటూ ప్రత్యేక పూజలు

కరోనా నుంచి సీఎం కేసీఆర్​ కోలుకోవాలంటూ నిజామాబాద్​లో తెరాస ఆధ్వర్యంలో ప్రత్యేక పూజలు చేశారు. సంపూర్ణ ఆరోగ్యంతో తిరిగిరావాలని ఆకాంక్షిస్తున్నట్లు పార్టీ జిల్లా అధ్యక్షుడు ఈగ గంగారెడ్డి తెలిపారు.

కరోనా బారిన పడిన ముఖ్యమంత్రి కేసీఆర్​.. త్వరగా కోలుకోవాలని నిజామాబాద్​ పట్టణంలోని నీలకంఠేశ్వర స్వామి ఆలయంలో తెరాస ఆధ్వర్యంలో పూజలు చేశారు. కేసీఆర్​కు కోట్లాది మంది ప్రజల ఆశీర్వాదాలున్నాయని.. తెరాస జిల్లా అధ్యక్షుడు ఈగ గంగారెడ్డి అన్నారు. ఆయన సంపూర్ణ ఆరోగ్యంతో కోలుకోవాలని భగవంతుడిని ప్రార్థిస్తున్నట్లు చెప్పారు.

ఈ కార్యక్రమంలో జడ్పీ ఛైర్మన్​ దాదన్నగారి విఠల్​రావు, నుడ ఛైర్మన్​ ప్రభాకర్​రెడ్డి, దండు శేఖర్​, డైరెక్టర్​ రాజేంద్రప్రసాద్, ఇతర నేతలు పాల్గొన్నారు.

ఇవీచూడండి:నిలకడగా ముఖ్యమంత్రి కేసీఆర్​ ఆరోగ్యం