ఇంట్లో అగ్నిప్రమాదం జరిగితే ఇవీ జాగ్రత్తలు

కరీంనగర్​లో ఘనంగా నాలుగోరోజు అగ్నిమాపక వారోత్సవాలు నిర్వహించారు. ఇంట్లో అగ్నిప్రమాదాలు సంభవించినప్పుడు మహిళలు తీసుకోవాల్సిన జాగ్రత్తలపై అవగాహన కల్పించారు.

ఏప్రిల్​ 14 నుంచి 20వ తేదీ వరకు అగ్నిమాపక శాఖ వారోత్సవాలు నిర్వహిస్తున్నారు. దీనిలో భాగంగా కరీంనగర్​లో అగ్నిమాపక సిబ్బంది అగ్నిప్రమాద నివారణ పద్ధతులపై గృహిణులకు అవగాహన కల్పించారు. అనుకోకుండా ఇళ్లల్లో జరిగే అగ్నిప్రమాదాలపై మహిళలు అప్రమత్తంగా ఉండాలని... చిన్న పద్ధతులు పాటించి మంటలను ఎలా అదుపు చేయాలో అగ్నిమాపక శాఖాధికారి వెంకన్న నేర్పించారు.