పాత కక్షలతో ఓ ఇంటిపై కర్రలు, కారంతో దాడి

ముందు చిన్న ఘర్షణతో మొదలైంది. మాటమాట పెరిగి కర్రలతో, కారం పొడితో దాడిచేసుకునే వరకూ వచ్చింది. పాత కక్షలే కారణమని పోలీసులు అనుమానిస్తున్నారు. ఈ ఘటన ఏపీ కృష్ణా జిల్లా విజయవాడలోని రాజరాజేశ్వరిపేటలో చోటు చేసుకుంది.

కృష్ణా జిల్లా విజయవాడ పాత రాజరాజేశ్వరిపేటలోని ఓ ఇంటిపై శుక్రవారం అర్ధరాత్రి దాడి జరిగింది. కొందరు వ్యక్తులు తమ ఇంటిపై కర్రలు, కారంతో దాడికి పాల్పడినట్లు బాధితులు పోలీసులకు ఫిర్యాదు చేశారు. మహిళలపైనా విచక్షణారహితంగా వ్యవహరించారని వాపోయారు.

ఘటనలో సుభాని అపస్మాకర స్థితిలోకి చేరుకోగా.. అతడ్ని ప్రభుత్వాసుపత్రికి తరలించారు. పాత కక్షల నేపథ్యంలోనే ఈ ఘటన జరిగిందని పోలీసులు అనుమానిస్తున్నారు. కొత్తపేట పోలీసులు కేసు నమోదు చేసుకొని దర్యాప్తు చేస్తున్నారు.

ఇవీ చూడండి : వైద్యుల నిర్లక్ష్యంతో బాలింత మృతి!