Bus Pass Charges hike: భారీగా పెరిగిన బస్​పాస్​ ఛార్జీలు

09:12 March 29

Bus Pass Charges hike: భారీగా పెరిగిన బస్​పాస్​ ఛార్జీలు

Bus Pass Charges hike: ప్రయాణికులకు ఆర్టీసీ వరస షాకులిస్తోంది. తాజాగా బస్​పాసుల ధరను అమాంతం పెంచేసింది. పాసుల ధరలను గరిష్ఠంగా రూ.500 పెంచింది. ఈనెల 18న చిల్లర సమస్య పరిష్కారం కోసమని ఛార్జీలను రౌండప్ చేసిన ఆర్టీసీ... ఇవాళ ఉదయం ప్రయాణికుల సెస్‌ పేరిట ఎక్స్‌ప్రెస్, డీలక్స్ బస్సుల్లో 5 రూపాయలు.. సూపర్ లగ్జరీ, రాజధాని, గరుడ బస్సుల్లో రూ.10 వరకు ఛార్జీలను పెంచింది. ఆర్డినరీ బస్​పాస్‌ ధర రూ.950 నుంచి రూ.1,150కి పెంచింది. పుష్పక్‌ పాస్‌ రూ.2,500 నుంచి రూ.3,000కు పెంచింది. పెంచిన బస్​పాస్ ఛార్జీలు ఏప్రిల్ 1వ తేదీ నుంచి అమల్లోకి వస్తాయని గ్రేటర్ ఆర్టీసీ ఈడీ యాదగిరి తెలిపారు. త్వరలోనే ఆర్టీసీ టికెట్‌ ఛార్జీలు సైతం పెంచనున్నట్లు యాజమాన్యం సంకేతాలు ఇచ్చింది.

జనరల్‌ బస్‌ టికెట్‌ పాసుల కేటగిరిలో...

• ఆర్డినరీ బస్​పాస్‌ ఛార్జీ రూ.950 నుంచి రూ.1,150కి పెంపు
• మెట్రో ఎక్స్‌ప్రెస్‌ రూ.1,070 నుంచి రూ.1,300కు పెంపు
• మెట్రో డీలక్స్‌ రూ.1,185 నుంచి రూ.1,450కి పెంపు
• పుష్పక్‌ పాస్‌ రూ.2,500 నుంచి రూ.3 వేలకు పెంపు

ఎన్‌జీవో బస్‌పాస్‌ల కేటగిరీలో..

• ఆర్డినరీ బస్​పాస్‌ ఛార్జీ రూ.320 నుంచి రూ.400కి పెంపు
• మెట్రో ఎక్స్‌ప్రెస్‌ రూ.450 నుంచి రూ.550కి పెంపు
• మెట్రో డీలక్స్‌ రూ.575 నుంచి రూ.700కి పెంపు
• ఎంఎంటీఎస్‌- ఆర్టీసీ కోంబో టికెట్‌ ఛార్జీ రూ.1,090 నుంచి రూ.1,350కి పెంచుతూ ఆర్టీసీ యాజమాన్యం నిర్ణయం తీసుకుంది.