దిల్లీలోనూ తెలంగాణ భవన్ నిర్మించబోతున్నామని తెరాస లోక్సభ పక్షనేత నామ నాగేశ్వర రావు తెలిపారు. తెలంగాణ భవన్ నిర్మించబోయే స్థలాన్ని పరిశీలించారు. గురువారం మధ్యాహ్నం 1.48గం.లకు తెరాస పార్టీ భవన నిర్మాణానికి భూమి పూజ జరుగనుందని చెప్పారు. పార్టీ అధినేత కేసీఆర్, వర్కింగ్ ప్రెసిడెంట్ కేటీఆర్ చేతుల మీదుగా భూమి పూజ జరుగుతుందని తెలిపారు.
ఇది ఒక చరిత్ర. మన నాయకుడు 20 సంవత్సరాలు కష్టపడి తెలంగాణ తెచ్చారు. దిల్లీలో తెలంగాణ భవన్కు శంకుస్థాపన చేయడం సంతోషంగా ఉంది. భారత దేశంలో ఏ రాష్ట్రం లేని అభివృద్ధి తెలంగాణలో జరిగింది. దేశం మొత్తం తెలంగాణ వైపు చూస్తోంది. రైతు బంధు, దళిత బంధు లాంటి ఎన్నో పథకాలు అమలు చేస్తున్నాం.
-నామ నాగేశ్వర రావు, తెరాస లోక్సభ పక్షనేత
దక్షిణాది రాష్ట్రాల నుంచి ఒక ప్రాంతీయ పార్టీ దేశ రాజధానిలో పార్టీ కార్యాలయం ఏర్పాటు చేసుకోవడం చరిత్రాత్మక విషయమని రోడ్లు, భవనాల శాఖ మంత్రి ప్రశాంత్ రెడ్డి అన్నారు. ఈ మహత్తర ఘట్టంలో తనకు భాగస్వామ్యం కల్పించడం గర్వంగా భావిస్తున్నట్లు చెప్పారు.