తెలంగాణ

telangana

ETV Bharat / city

టాప్టెన్ న్యూస్ @11AM

ఇప్పటి వరకు ఉన్న ప్రధాన వార్తలు

telangana news

తెలంగాణ టాప్టెన్ న్యూస్

By

Published : Feb 16, 2022, 11:00 AM IST

అసోం సీఎం హిమంత బిశ్వశర్మపై కేసు నమోదు

అసోం సీఎం హిమంత బిశ్వశర్మపై హైదరాబాద్ పోలీసులు కేసు నమోదు చేశారు. టీపీసీసీ అధ్యక్షుడు రేవంత్‌రెడ్డి ఫిర్యాదు మేరకు కేసు నమోదు చేసినట్లు పోలీసులు తెలిపారు.

రేవంత్‌రెడ్డి సహా పలువురు కాంగ్రెస్‌ నేతల గృహనిర్బంధం

రాష్ట్రవ్యాప్తంగా పలువురు కాంగ్రెస్‌ నేతలను పోలీసులు గృహనిర్బంధం చేశారు. ఎస్పీ కార్యాలయాలు, కమిషనరేట్ల ముందు ధర్నాలకు పీసీసీ అధ్యక్షుడు రేవంత్‌రెడ్డి పిలుపునివ్వడంతో పోలీసులు అప్రమత్తమయ్యారు. ముఖ్యనేతలను ఇంటి నుంచి బయటకు రాకుండా అడ్డుకున్నారు.

మొదలైన జనజాతర..

మేడారంలో వనదేవతల ఆగమనానికి సర్వం సిద్ధమైంది. నేటి సాయంత్రం.. భక్తుల కోలాహలం నడుమ డప్పు వాయిద్యాలు హోరెత్తుతుండగా.. కన్నెపల్లి నుంచి సారలమ్మ గద్దెపైకి చేరుకుంటుది. ఇదే సమయంలో పగిడిద్దరాజు, గోవిందరాజులు గద్దెలపైకి చేరి.. భక్తుల పూజలందుకుంటారు.

ముందు అందలం ఎక్కించి...ఆపై అవమానించి...

ఏపీ ప్రభుత్వ ప్రధాన కార్యదర్శిగా పనిచేసిన ఎల్‌.వి.సుబ్రహ్మణ్యం, పోలీస్ బాస్ గా పనిచేసిన గౌతం సవాంగ్కు ఆ రాష్ట్ర సీఎం జగన్ తొలుత అత్యధిక ప్రాధాన్యమిచ్చారు. ఏపీలో 2019 ఎన్నికల నాటికే ప్రభుత్వ ప్రధాన కార్యదర్శిగా ఎల్‌.వి.సుబ్రహ్మణ్యం ఉండగా.. వైకాపా అధికారంలోకి వచ్చాక ఏరి కోరి మరీ డీజీపీ స్థానంలో గౌతమ్‌ సవాంగ్‌ ను కూర్చోబెట్టారు. ఇక ఆ ఇద్దరు అధికారులూ కూడా ముఖ్యమంత్రి పట్ల ఎంతో అభిమానంతో ఉండేవారు. ఈ ప్రభుత్వం మనదన్న భావనతో పనిచేశారు.

గురు రవిదాస్ ధామ్ను దర్శించుకున్న ప్రధాని మోదీ

దిల్లీ కరోల్బాఘ్లోని శ్రీ గురు రవిదాస్ విశ్రమ్ ధామ్ను ప్రధానమంత్రి నరేంద్ర మోదీ సందర్శించారు. మందిరంలో ప్రత్యేక పూజలు నిర్వహించిన ఆయన.. కీర్తనలో పాల్గొన్నారు.

కంటైనర్ను ఢీకొట్టిన కారు.. ఆరుగురు మృతి

వేగంగా వెళ్తున్న కారు ఆగి ఉన్న కంటైనర్ను బలంగా ఢీకొట్టింది. దీంతో ఒకే కుటుంబానికి చెందిన ఆరుగురు అక్కడికక్కడే మృతి చెందారు. ఈ ఘటన ఉత్తర్ప్రదేశ్లోని బారాబంకీ జిల్లాలో జరిగింది.

ఆరేళ్ల చిన్నారిపై హత్యాచారం- మైనర్ అరెస్ట్

6 ఏళ్ల చిన్నారిపై.. అత్యాచారం చేసి.. ఆపై హత్య చేశాడు ఓ మైనర్. నిందితుడిని అరెస్ట్ చేసినట్లు పోలీసులు తెలిపారు. అస్సాంలోని హైలాకుండీ జిల్లాలో ఈ దారుణం జరిగింది

మ్యూజిక్ డైరెక్టర్ బప్పి లహిరి కన్నుమూత.. ప్రధాని సంతాపం

సంగీత దర్శకుడు, గాయకుడు బప్పి లహిరి(69) కన్నుమూశారు. గత కొద్ది కాలంగా అనారోగ్య సమస్యలతో బాధపడుతున్న ఆయన ముంబయిలోని ఆస్పత్రిలో చికిత్స పొందుతూ తుదిశ్వాస విడిచారు. ఈ విషయాన్ని ఆస్పత్రి వర్గాలు తెలిపాయి. ఆయన మృతి పట్ల పలువురు సినీప్రముఖులు సంతాపం తెలుపుతున్నారు. ప్రధాన మంత్రి నరేంద్ర మోదీ కూడా ఆయన మృతి పట్ల సంతాపం తెలిపారు. బప్పి కుటుంబసభ్యులకు ప్రగాఢ సానుభూతి తెలిపారు.

క్వార్టర్ ఫైనల్లోకి సానియా మీర్జా జోడీ

దుబాయ్ టెన్నిస్ ఛాంపియన్షిప్స్ల్లో సానియా మీర్జా-లూసి హ్రాడెకా జోడీ క్వార్టర్ ఫైనల్లోకి అడుగుపెట్టింది. క్వార్టర్స్లో షుకో(shuko aoyama)-అలెక్సాండ్రా క్రునిక్ ద్వయంతో తలపడనుంది.

'పూరీ తీసిన ఆ సూపర్ హిట్ సినిమాలో హీరో నేనే అన్నారు.. కానీ...'

దర్శకుడు పూరీజగన్నాథ్ తెరకెక్కించిన ఓ సూపర్ హిట్ చిత్రంలో హీరోగా తనను ప్రకటించిన తర్వాత తప్పుకోవాల్సి వచ్చిందని గుర్తుచేసుకున్నారు సినీనటుడు శ్రీరామ్. ఒకరి తప్పిదం వల్ల గతంలో తాను ఓ అగ్ని ప్రమాదంలో చిక్కుకున్నట్లు ఆయన తెలిపారు.

For All Latest Updates

TAGGED:

telangana latest updates

telugu telangana news

టాప్టెన్ న్యూస్

ABOUT THE AUTHOR

...view details