తెలంగాణ

telangana

ETV Bharat / city

టాప్టెన్ న్యూస్ @11AM

ఇప్పటివరకు ప్రధానవార్తలు

టాప్టెన్ న్యూస్

By

Published : Feb 5, 2022, 11:02 AM IST

దేశంలో భారీగా తగ్గిన కొవిడ్ కేసులు

COVID CASES IN INDIA: భారత్లో కరోనా కొత్త కేసులు భారీగా తగ్గాయి. శుక్రవారం ఉదయం నుంచి శనివారం ఉదయం వరకు మరో 1,27,952 మందికి వైరస్ నిర్ధరణ అయింది. ఒక్కరోజులోనే రికార్డు స్థాయిలో 1,059 మంది మరణించారు. దేశంలో పాజిటివిటీ రేటు 7.98 శాతంగా ఉందని కేంద్ర ఆరోగ్య శాఖ తెలిపింది.

ప్రధాని రాక దృష్ట్యా క్రతువుల్లో స్వల్ప మార్పు..

Statue of Equality Inauguration: ముచ్చింతల్‌లో నాలుగోరోజు రామానుజాచార్యుల సహస్రాబ్ది ఉత్సవాలు వైభవోపేతంగా సాగుతున్నాయి. వసంత పంచమి సందర్భంగా యాగశాలలో విష్వక్సేనేష్ఠి యాగం నిర్వహిస్తున్నారు. నేడు రామానుజాచార్యుల పంచలోహ విగ్రహాన్ని దేశ ప్రధాని నరేంద్రమోదీ లోకార్పణం చేయనున్నా నేపథ్యంలో పలు క్రతువుల్లో స్వల్ప మార్పులు చేశారు.

సరస్వతి ఆలయాలు కిటకిట.. క్యూలైన్యలో భక్తుల కటకట

Vasantha Panchami: వసంత పంచమిని పురస్కరించుకుని సరస్వతి అమ్మవారి ఆలయాలు భక్తులతో కిటకిలాడుతున్నాయి. అమ్మవారి సన్నిధిలో చిన్నారుల అక్షరాభ్యాసాలు, ప్రత్యేక పూజలతో.. నిర్మల్ జిల్లాలోని బాసర, సిద్దిపేట జిల్లాలోని వర్గల్ దేవాలయాలు కోలాహలంగా మారాయి.

రెండో రోజూ అంధకారంలో ఏపీ.. కారణం అదేనట!

Power Cut Problems in AP : ఎన్టీపీసీకి ఏపీ డిస్కంలు బకాయిపడ్డ మొత్తం విషయంలో స్పందించకపోవడం వల్లే అక్కడి నుంచి సరఫరా నిలిచిపోయి ఆ రాష్ట్రంలో విద్యుత్‌ కోతలు మొదలయ్యాయి. ఎన్టీపీసీకి డిస్కంలు రూ.350 కోట్ల బకాయి పడ్డాయి. వీటికోసం ఎన్టీపీసీ వర్గాలు రెండు నెలలుగా డిస్కంలకు లేఖలు రాస్తున్నాయి.

కశ్మీర్, నోయిడాలో భూప్రకంపనలు

Kashmir Earthquake: కశ్మీర్, నోయిడా సహా ఇతర ప్రాంతాల్లో భూకంపం సంభవించింది. భూప్రకంపనలతో ప్రజలు భయాందోళనలకు గురయ్యారు. పూర్తి వివరాలు తెలియాల్సి ఉంది.

అడవితల్లి రక్షణలో గుజరాత్‌ మహిళలు.. అన్నీ వారై..!

Woman forestgourds in surat mandvi: సువిశాలమైన అడవికి ఏడుగురు మహిళలే రక్షణగా నిలుస్తున్నారు. క్రూరమృగాలకు ఏమాత్రం బెదరకుండా మనోధైర్యంతో ముందుకుసాగుతున్నారు. ధైర్యమే ఆయుధంగా మొక్కవోని కార్యదీక్షతో విధులు నిర్వహిస్తున్నారు. రాత్రింభవళ్లు కంటిమీద కునుకు లేకుండా అడవితల్లి రక్షణలో నిమగ్నమయ్యారు.

కుప్పకూలిన విమానం- ఏడుగురు మృతి

Plane Crash: పెరూలో తేలికపాటి విమానం కూలి ఏడుగురు మృతి చెందారు. పెరువియన్ ఎడారిలోని నాజ్కా లైన్ల పర్యటన కోసం సందర్శకులను తీసుకువెళ్తుండగా ఈ ప్రమాదం జరిగినట్లు అధికారులు తెలిపారు. నాజ్కాలోని వైమానికి కేంద్రానికి సమీపంలో ఈ ప్రమాదం జరిగినట్లు చెప్పారు.

ఏపీ, తెలంగాణలో బంగారం ధర ఎంతంటే?

Gold Price Today: దేశంలో పది గ్రాముల మేలిమి బంగారం ధర రూ. 49వేల పైకి చేరింది. కిలో వెండి ధర రూ. 62 వేల వద్ద ఉంది. ఇంధన ధరలు స్థిరంగానే ఉన్నాయి. ప్రస్తుతం ఆంధ్రప్రదేశ్, తెలంగాణలో పది గ్రాముల బంగారం ధర ఇలా ఉంది.

ఆసీస్ హెడ్ కోచ్ జస్టిన్ లాంగర్ రాజీనామా

Australia Head coach Justin Langer resign: ఆస్ట్రేలియా క్రికెట్ జట్టుకు కోచ్గా కొనసాగాలని ఆశించిన జస్టిన్ లాంగర్ కల నెరవేరలేదు. అతడు తన పదవికి రాజీనామా చేశాడు.

కమెడియన్ రాహుల్ రామకృష్ణ సంచలన నిర్ణయం

Rahul Ramakrishna: ప్రముఖ కమెడియన్ రాహుల్ రామకృష్ణ అనూహ్య నిర్ణయం తీసుకున్నారు. నటనకు దూరం కానున్నట్లు ప్రకటించి అభిమానులను ఆశ్చర్యానికి గురిచేశారు.

For All Latest Updates

TAGGED:

Telangana news in Telugu

top ten news till now

top ten news in Telugu

ts news in Telugu

తెలంగాణ వార్తలు

ABOUT THE AUTHOR

...view details