టాప్​టెన్​ న్యూస్​ @9PM

ఇప్పటి వరకు ఉన్న ప్రధాన వార్తలు

• రాత్రికి రాత్రే ఎలా చేశారు..

ఈటల భూముల్లో సర్వే జరిపిన తీరును హైకోర్టు తీవ్రంగా తప్పుపట్టింది. కనీసం నోటీసులు ఇవ్వకుండా తనిఖీలు చేసి.. సహజ న్యాయసూత్రాలను, చట్టాలను ఉల్లంఘించారని ఉన్నత న్యాయస్థానం ఆక్షేపించింది. జమున హేచరీస్ భూములు, వ్యాపారాల్లో జోక్యం చేసుకోవద్దని ప్రభుత్వానికి మధ్యంతర ఉత్తర్వులు జారీ చేసింది. పూర్తి వివరాల కోసం క్లిక్​ చేయండి.

• కొత్త ఆదేశాలు..

కొవిడ్‌ రోగులకు చికిత్స విషయంలో ప్రైవేటు ఆస్పత్రులకు వైద్య ఆరోగ్యశాఖ తాజా ఆదేశాలు జారీ చేసింది. తీవ్ర, అతి తీవ్రమైన లక్షణాలు ఉన్నవారినే ఆస్పత్రిలో చేర్చుకోవాలని డీహెచ్‌ సూచించారు. పూర్తి వివరాల కోసం క్లిక్​ చేయండి.

• మళ్లీ అనుమతి..

ప్రైవేట్ ఆస్పత్రుల్లో వ్యాక్సినేషన్​కు ప్రభుత్వం మళ్లీ అనుమతి ఇచ్చింది. ప్రస్తుతం 45 ఏళ్లు పైబడిన వారికి టీకాలు ఇవ్వాలని వైద్య, ఆరోగ్య శాఖ ఆదేశించింది. కొవిన్​ యాప్​లో స్లాట్​ బుక్​ చేసుకున్న వారికి మాత్రమే వ్యాక్సిన్ ఇవ్వాలని సూచించింది. పూర్తి వివరాల కోసం క్లిక్​ చేయండి.

• గంగుల వర్సెస్ ఈటల..

తెలంగాణ రాజకీయాల్లో రోజురోజుకు వేడి రాజుకుంటోంది. నిన్నటి వరకు మంత్రి వర్గంలో ఉన్న సహచరులే... ఇప్పుడు ప్రత్యర్థుల్లా మారి ఒకరిపై ఒకరు విమర్శలతో తలపడుతున్నారు. ఇన్ని రోజులు మనసులోనే దాచుకున్న ఎన్నో రహస్యాలను ఒక్కొక్కటిగా బయటపెట్టుకుంటున్నారు. పూర్తి వివరాల కోసం క్లిక్​ చేయండి.

• ఏపీలో కొత్తగా 20,034 కరోనా కేసులు..

ఆంధ్రప్రదేశ్​లో కరోనా ఉద్ధృతి కొనసాగుతోంది. కొత్తగా మరో 20 వేలకు పైగా కొత్త కేసులు నమోదయ్యాయి. గడిచిన 24 గంటల వ్యవధిలో.. ఆ రాష్ట్ర వ్యాప్తంగా 20,034 మందికి పాజిటివ్‌గా నిర్ధారణ అయినట్టు ఆరోగ్యశాఖ ముఖ్య కార్యదర్శి అనిల్‌ కుమార్‌ సింఘాల్‌ వెల్లడించారు. వైరస్ సోకి 82 మంది మృతి చెందినట్టు చెప్పారు. పూర్తి వివరాల కోసం క్లిక్​ చేయండి.

• పాఠశాలలో మాంసం విక్రయం!

కరోనా కారణంగా మూతపడిన పాఠశాలలను మాంసపు విక్రయ శాలలుగా, వధ కేంద్రాలుగా కొంతమంది ప్రబుద్ధులు వాడుకుంటున్నారు. చివరికి విషయం తెలుసుకున్న పోలీసులు, నగరపాలక అధికారులు సంఘటనా స్థలానికి వెళ్లి... బాధ్యులపై చర్యలు తీసుకున్నారు. ఈ ఘటన ఏపీలోని అనంతపురంలో జరిగింది. పూర్తి వివరాల కోసం క్లిక్​ చేయండి.

• బంతి అనుకుని బాంబుతో ఆట..

కేరళలో నాటు బాంబు పేలిన ఘటనలో ఇద్దరు చిన్నారులు తీవ్రంగా గాయపడ్డారు. క్షతగాత్రులను ఆస్పత్రికి తరలించి, చికిత్స అందిస్తున్నట్లు అధికారులు తెలిపారు. పూర్తి వివరాల కోసం క్లిక్​ చేయండి.

• రిటర్నింగ్​ అధికారికి పూర్తి భద్రత..

నందిగ్రామ్ రిటర్నింగ్​ అధికారికి పూర్తి భద్రత కల్పించామని బంగాల్ ప్రభుత్వం ఎన్నికల సంఘానికి తెలిపింది. రిటర్నింగ్ అధికారికి బెదిరింపులు వచ్చిన నేపథ్యంలో ఆయనకు భద్రత కల్పించాలని రాష్ట్ర ప్రభుత్వాన్ని ఈసీ ఆదేశించింది. పూర్తి వివరాల కోసం క్లిక్​ చేయండి.

• బీసీసీఐకి రూ.2000 కోట్ల నష్టం!

కరోనా కారణంగా ఐపీఎల్ 14వ సీజన్​ను నిరవధికంగా వాయిదా వేశారు. అయితే ఈ వాయిదా ద్వారా బీసీసీఐకి దాదాపు రూ.2 వేల కోట్ల నష్టం వాటిల్లనుంది. పూర్తి వివరాల కోసం క్లిక్​ చేయండి.

• దీపికా పదుకొణెకు కరోనా..

బాలీవుడ్​ స్టార్​ హీరోయిన్​ దీపికా పదుకొణెకు కరోనా సోకింది. ఇప్పటికే ఆమె కుటుంబం మొత్తం ఈ వైరస్​ బారిన పడి ఇంట్లోనే స్వీయ నిర్బంధంలో ఉంటున్నారు. పూర్తి వివరాల కోసం క్లిక్​ చేయండి.