కాసేపట్లో మంత్రివర్గం భేటీ.. లాక్​డౌన్​పై కీలక నిర్ణయం

తెలంగాణ మంత్రిమండలి సమావేశం మరికొద్దిసేపట్లో ప్రారంభం కానుంది. ముఖ్యమంత్రి కేసీఆర్‌ అధ్యక్షతన హైదరాబాద్‌లోని ప్రగతి భవన్‌లో భేటీ జరగనుంది.

హైదరాబాద్​లోని ప్రగతిభవన్‌లో సీఎం అధ్యక్షతన కొద్దిసేపట్లో మంత్రివర్గ సమావేశం ప్రారంభం కానుంది. లాక్‌డౌన్ ఆంక్షల సడలింపుపై ప్రధానంగా చర్చ జరగనుంది. ఈ నెల 20 నుంచి కొన్ని మినహాయింపులు ఇవ్వాలని కేంద్రం సూచించింది. ఈక్రమంలో రాష్ట్ర ప్రభుత్వపరంగా ప్రత్యేక నిబంధనలపై నిర్ణయం తీసుకునే అవకాశం ఉంది. రాష్ట్ర ఆర్థిక పరిస్థితితోపాటు ఏప్రిల్ నెల వేతనాలపైనా మంత్రివర్గ భేటీలో చర్చించనున్నట్టు తెలుస్తోంది.