ఉప్పల్ టీ-20కి 1800 మంది పోలీసులతో భద్రత

రేపు భారత్​-వెస్టిండీస్​ జట్ల మధ్య  ఉప్పల్​ రాజీవ్​ గాంధీ అంతర్జాతీయ స్టేడియంలో జరిగే టీ-20 కోసం పటిష్ట బందోబస్తు ఏర్పాటు చేశామని రాచకొండ సీపీ మహేశ్​ భగవత్​ తెలిపారు. ఇప్పటివరకు 24వేల టికెట్లు అమ్ముడుపోయాయని హెచ్​సీఏ అధ్యక్షుడు అజారుద్దీన్​ తెలిపారు.

రేపు ఉప్పల్​ వేదికగా భారత్​-వెస్టిండీస్​ల మధ్య జరగనున్న టీ-20 కోసం భారీ బందోబస్తు ఏర్పాటు చేశామని రాచకొండ సీపీ మహేశ్​ భగవత్​ తెలిపారు. మెుత్తం 1800 మంది పోలీసులు విధులు నిర్వర్తించనున్నారని వెల్లడించారు. మహిళల రక్షణ కోసం షీ-బృందాలను కూడా ఏర్పాటు చేశామని చెప్పారు.

స్టేడియం చుట్టూ మెుత్తం 300 సీసీ కెమెరాలను ఏర్పాటు చేశామని పేర్కొన్నారు. ఇరుజట్ల ఆటగాళ్లు ఇప్పటికే హైదరాబాద్​ చేరుకుని మ్యాచ్​కోసం ప్రాక్టీసు చేస్తున్నారని సీపీ తెలిపారు. బయటి నుంచి ఇతర తినుబండారాలను లోపలకి అనుమతించమని చెప్పారు.

ఇవీ చూడండి: ధోనీ రికార్డుపై కన్నేసిన రిషభ్ పంత్