ఎల్‌ఆర్‌ఎస్‌ను రద్దు చేయాలని డిమాండ్ చేస్తూ.. రంగారెడ్డి అర్బన్ జిల్లా భాజపా అధ్యక్షుడు సామ రంగారెడ్డి నేతృత్వంలో సరూర్నగర్ జీహెచ్ఎంసీ సర్కిల్ కార్యాలయం వద్ద ధర్నా నిర్వాహించారు. డబుల్ బెడ్రూం ఇళ్ల కేటాయింపుపై పారదర్శకంగా విచారణ జరిపించి అర్హులైన లబ్ధిదారులకు కేటాయించాలని ఆందోళన చేపట్టారు.
'డబుల్ బెడ్రూం ఇళ్ల కేటాయింపు పారదర్శకంగా జరగాలి'
సరూర్ నగర్ జీహెచ్ఎంసీ సర్కిల్ కార్యాలయం వద్ద రంగారెడ్డి అర్బన్ జిల్లా భాజపా అధ్యక్షుడు సామ రంగారెడ్డి నేతృత్వంలో ధర్నా నిర్వహించారు. జీవో 131 ద్వారా తీసుకొచ్చిన ఎల్‌ఆర్‌ఎస్‌ను రద్దు చేయాలని డిమాండ్ చేశారు. డబుల్ బెడ్రూం ఇళ్ల కేటాయింపు పారదర్శకంగా జరగాలన్నారు.
'డబుల్ బెడ్రూం ఇళ్ల కేటాయింపు పారదర్శకంగా జరగాలి'
ప్రజావ్యతిరేక పాలన కొనసాగిస్తోన్న తెరాస పార్టీని రాబోయే జీహెచ్ఎంసీ ఎన్నికల్లో ఓడించి సీఎం కేసీఆర్కు బుద్ధి చెప్పాలని గ్రేటర్ ప్రజలను కోరారు. ఎల్బీనగర్ నియోజకవర్గంలో డబుల్ బెడ్రూం లబ్ధిదారులు అధిక సంఖ్యలో ఉండగా.. ప్రభుత్వం ఇప్పటివరకు నిర్మించింది కేవలం 500 డబుల్ బెడ్రూంలు మాత్రమేనని పేర్కొన్నారు. అనంతరం జోనల్ కమిషనర్ విజయకృష్ణకు సామ రంగారెడ్డి వినతిపత్రం అందజేశారు.