శంషాబాద్​ విమానాశ్రయంలో కిడ్నాప్​ కలకలం

శంషాబాద్​ విమానాశ్రయంలో కిడ్నాప్​ కలకలం సృష్టించింది. ముగ్గురు చిన్నారులను అపహరించేందుకు క్యాబ్​ డ్రైవర్​ యత్నించాడు. గమనించిన తల్లిదండ్రులు వెంబడించగా పిల్లల్ని వదిలేసి పరారయ్యాడు.

శంషాబాద్​ విమానాశ్రయంలో చిన్నారుల కిడ్నాప్​ కలకలం రేపింది. ముంబయి నుంచి హైదరాబాద్​ వచ్చిన ఓ కుటుంబం తమ కారులో స్థలం లేకపోవడం వల్ల ఓలా క్యాబ్​ను ఆశ్రయించింది. క్యాబ్​లో ఇద్దరు అబ్బాయిలు, ఒక అమ్మాయి ఎక్కారు. వారి తల్లిదండ్రులు వెళ్తున్న కారును ఫాలో చేయమని డ్రైవర్​కు చెప్పారు. క్యాబ్​ డ్రైవర్​ కారు మధ్యలో ఆపి తన స్నేహితుడిని ఎక్కించుకున్నాడు. కారును వేగంగా నడపడం వల్ల భయపడిన పిల్లలు తల్లిదండ్రులకు సమాచారం అందించారు. వారు క్యాబ్​ను వెంబడించి పట్టుకున్నారు. డ్రైవర్​ను నిలదీయగా పిల్లల్ని అక్కడ వదిలేసి పరారయ్యాడు. అతని స్నేహితుడిని పట్టుకుని శంషాబాద్​ పీఎస్​లో అప్పగించారు.

• ఇదీ చూడండి : మంత్రి నిరంజన్​రెడ్డి మాతృమూర్తికి కేసీఆర్ నివాళి