కరోనా వైరస్ వేగంగా వ్యాపిస్తున్న తరుణంలో పోలీసులు ముందుండి విధులు నిర్వహించారని.. ప్రాణాలు సైతం లెక్క చేయకుండా ప్రజల కోసం పనిచేసిన పోలీస్ వారియర్స్కి తమ వంతు సాయంగా మన స్పందన ఫౌండేషన్ ఆధ్వర్యంలో రాచకొండ కమిషనర్ మహేష్ భగవత్ చేతుల మీదుగా రెండువేల ఎన్ 95 మాస్కులు, రెండు వేల శానిటైజర్ సీసాలు అందించారు.
పోలీసులకు మాస్కులు, శానిటైజర్ అందించిన ఎన్జీవో
కరోనా వైరస్ విస్తృతంగా వ్యాపిస్తున్న సమయంలో కూడా.. ప్రాణాలు లెక్క చేయకుండా విధులు నిర్వహించిన పోలీసుల సేవలు మరిచిపోలేనివని.. ఎంతోమంది ప్రాణాలకు తమ ప్రాణాలు అడ్డేశారన్నారు మన స్పందన ఫౌండేషన్ సభ్యులు. పోలీసులకు తమ వంతు ప్రోత్సాహకంగా రెండువేల శానిటైజర్ సీసాలు, రెండువేల ఎన్ 95 మాస్కులను సంస్థ సభ్యులు రాచకొండ కమిషనర్ మహేష్ భగవత్కి అందించారు.
పోలీసులకు మాస్కులు, శానిటైజర్ అందించిన ఎన్జీవో
పోలీసులకు మాస్కులు, శానిటైజర్ అందజేసిన ఫౌండేషన్ సభ్యులను రాచకొండ కమిషనర్ మహేష్ భగవత్ అభినందించారు. కరోనా సమయంలో విధులు నిర్వహిస్తున్న పోలీసులకు సహకరించడం గొప్ప విషయమని.. ఆయన అన్నారు. ప్రతి ఒక్కరు మాస్కులు ధరించి.. శానిటైజర్ వాడాలని ప్రజలకు సూచించారు. ఈ కార్యక్రమంలో మనస్పందన ఫౌండేషన్ ఛైర్మన్‌ మోహన్‌ నాయక్‌, ప్రపంచ వరల్డ్‌ రికార్డు గ్రహీత, దక్షిణ భారత పర్వతారోహకుడు అంగోత్ తుకారాం పాల్గొన్నారు.