KTR London Tour Updates : ప్రతిష్ఠాత్మక లండన్ కింగ్స్ కాలేజ్‌తో తెలంగాణ ప్రభుత్వం అవగాహన ఒప్పందం కుదుర్చుకుంది. హైదరాబాద్‌లో ఏర్పాటు చేయబోయే ఫార్మా యూనివర్సిటీకి సంబంధించి పరిశోధన, అకాడమిక్ వ్యవహారాల్లో రాష్ట్ర ప్రభుత్వంతో కింగ్ కాలేజ్ కలిసి పనిచేయనుంది. యూకే పర్యటనలో ఉన్న పరిశ్రమల శాఖ మంత్రి కేటీఆర్ సమక్షంలో ఈ ఒప్పందం జరిగింది.
KTR London Tour Latest News : రాష్ట్ర పరిశ్రమల శాఖ ముఖ్యకార్యదర్శి జయేశ్‌ రంజన్, కింగ్స్ హెల్త్ పార్ట్‌నర్స్ ఈడీ ప్రొఫెసర్ రిచర్డ్ ట్రెంబాత్‌లు అవగాహన ఒప్పందంపై సంతకాలు చేశారు. గత నెలలో బ్రిటిష్ కౌన్సిల్ నేతృత్వంలో కింగ్స్ కాలేజ్ లండన్ ప్రెసిడెంట్, ప్రిన్సిపాల్ సహా కింగ్స్ ప్రతినిధులు మన దేశంలో పర్యటించారు. దానికి కొనసాగింపుగా మంత్రి కేటీఆర్ లండన్‌లోని కింగ్స్ కాలేజ్ క్యాంపస్‌ను సందర్శించారు.