కెప్టెన్ విజయంత్ కేసును సుమోటోగా స్వీకరించిన హెచ్​ఆర్​సీ

16:57 July 26

కెప్టెన్ విజయంత్​ కేసును సుమోటోగా స్వీకరించిన హెచ్​ఆర్​సీ

 కార్గిల్ యుద్ధంలో అమరుడైన కెప్టెన్ విజయంత్ కుటుంబానికి ప్రభుత్వం సహాయం అందకపోవడంపై... రాష్ట్ర మానవ హక్కుల కమిషన్ ఆగ్రహం వ్యక్తం చేసింది. పలు పత్రికల్లో ప్రచురితమైన కథనాల ఆధారంగా సుమోటోగా కేసు స్వీకరించింది. సంగారెడ్డి పట్టణానికి చెందిన విజయంత్​ కార్గిల్ యుద్ధంలో వీరమరణం పొందితే... 21 ఏళ్లుగా ఆయన కుటుంబానికి ప్రభుత్వాలు సహాయం అందించకపోవడంపై అసహనం వ్యక్తం చేసింది. ఈ ఘటనపై సమగ్ర విచారణ జరిపి... ఆగస్టు 27 లోగా నివేదిక సమర్పించాలంటూ... సంగారెడ్డి జిల్లా కలెక్టర్, రాష్ట్ర ప్రభుత్వ జనరల్ అడ్మినిస్ట్రేషన్ డిపార్ట్మెంట్ ప్రిన్సిపాల్ సెక్రెటరీని ఆదేశించింది.