రాగల మూడురోజుల పాటు రాష్ట్రంలో వర్షాలు

రాష్ట్రంలో రేపటి నుంచి మూడురోజుల పాటు వర్షాలు పడనున్నాయని వాతావరణ శాఖ అధికారులు తెలిపారు. మంగళవారం స్వల్పంగా, బుధ, గురువారాల్లో అక్కడక్కడా భారీ వర్షాలు కురిసే అవకాశాలున్నాయన్నారు.

ఇటు బంగాళాఖాతంలో, అటు అరేబియా సముద్రంలో వాయుగుండాలు ఏర్పడ్డాయి. ఇవి తీవ్రమై చెరో దిక్కుకు పయనిస్తున్నాయి. అరేబియా సముద్రంలో ఏర్పడిన వాయుగుండం తుపానుగా మారడంతో దానికి ‘గతి’ అనే పేరు పెట్టారు. ఇది సోమాలియా తీరం వైపు వెళుతోంది.

బంగాళాఖాతంలో ఆగ్నేయ ప్రాంతంలో ఏర్పడిన అల్పపీడనం సోమవారానికి వాయుగుండంగా, మంగళవారం నాటికి తుపానుగా మారి తమిళనాడులోని కరైకల్‌, మహాబలిపురం మధ్య ఈ నెల 25న తీరం దాటే అవకాశాలున్నాయని వాతావరణ అధికారి రాజారావు తెలిపారు.

తెలంగాణలో మంగళవారం స్వల్పంగా, బుధ, గురువారాల్లో అక్కడక్కడా భారీ వర్షాలు కురిసే అవకాశాలున్నాయన్నారు. తేమ గాలులు వస్తున్నందున ఉష్ణోగ్రతలు సాధారణంకన్నా 3 నుంచి 6 డిగ్రీల వరకూ అదనంగా పెరిగాయి.

ఇదీ చదవండి :జోరుగా ఓటుకు నోటు డిమాండ్.. బల్దియా ఎన్నికల్లో న్యూ ట్రెండ్