ఓ ప్రైవేట్ కళాశాల యాజమాన్యానికి జీహెచ్ఎంసీ నోటీసులు
హైదరాబాద్ చందానగర్ జీహెచ్ఎంసీ సర్కిల్ పరిధిలో 8 వసతిగృహాలు నిర్వహిస్తున్న ఓ ప్రైవేటు కళాశాల యాజమాన్యానికి అధికారులు తాఖీదులు అందజేశారు. ఎనిమిదేళ్లుగా కళాశాల అనుబంధంగా 8 హాస్టళ్లను నిర్వహిస్తుందని... ఇందుకుగాను జీహెచ్ఎంసీ చందానగర్ డిప్యూటీ కమిషనర్ ట్రేడ్ లైసెన్స్‌ బకాయిలు 32లక్షల 56వేలు చెల్లించాల్సిందిగా నోటీసులు స్వయంగా అందజేశారు. ఈ క్రమంలో డిప్యూటీ కమిషనర్పై కళాశాల సిబ్బంది దురుసుగా ప్రవర్తించారు. మాతృశ్రీ నగర్‌లో ఉన్న వసతిగృహాన్ని డిప్యూటీ కమిషనర్ సీజ్‌ చేశారు. కేవలం మూడు అంతస్తులకు అనుమతి తీసుకుని మరో రెండు అంతస్తులు అక్రమంగా నిర్మించినట్లు అధికారులు గుర్తించారు.