'కేటీఆర్ చెప్పాలి.. మా కుటుంబాలనెలా పోషించుకోవాలో?'

మేడ్చల్ జిల్లా కాప్రా మున్సిపల్ కార్యాలయం ముందు జీహెచ్ఎంసీ కాంట్రాక్టర్లు నిరసన చేపట్టారు. పనులు చేస్తున్నా డబ్బులు ఇవ్వడం లేదని ఆవేదన వ్యక్తం చేశారు. కేటీఆర్ సమాధానం చెప్పాలని కోరారు.

జీహెచ్ఎంసీ పరిధిలో ఎనిమిది నెలల నుంచి ఒక్క రూపాయీ ఇవ్వలేదని.. కాంట్రాక్టర్లు ర్యాలీ నిర్వహించారు. మేడ్చల్ జిల్లా కాప్రా మున్సిపల్ కార్యాలయం ముందు నిరసన వ్యక్తం చేశారు. తెలంగాణ ప్రభుత్వం మొండిగా వ్యవహరిస్తోందని ఆరోపించారు.

హైదరాబాద్​లో మమ్మల్ని కూలీలకంటే హీనంగా చూస్తున్నారు. పనులు చేస్తున్నా డబ్బులు ఇవ్వడంలేదు. మా కుటుంబాలను ఎలా పోషించుకోవాలి. -జీహెచ్ఎంసీ కాంట్రాక్టర్లు

తమ సమస్యలపై మున్సిపల్ మంత్రి కేటీఆర్ సమాధానం చెప్పాలన్నారు. తాము పనులు చెయ్యబట్టే ప్రజలు నిత్యం రోడ్ల మీద తిరుగుతున్నారని తెలిపారు. డబ్బులు చెల్లించకపోతే 'నో పేమెంట్ నో వర్క్​'లో ఉంటామని హెచ్చరించారు.

ఇదీ చూడండి:ప్రకృతి వనం పేరు చెప్పి మా పొట్ట కొట్టారు.!