ఆంధ్రప్రదేశ్లోని విజయవాడ స్వర్ణ ప్యాలెస్లో భారీ అగ్నిప్రమాదం జరిగింది. ఈ ప్రమాదంలో ఏడుగురు మృతి చెందారు. కొవిడ్ కేర్ సెంటర్గా చికిత్స అందిస్తున్న ఈ ప్యాలెస్లో పొగలు దట్టంగా అలుముకొని... శ్వాస తీసుకోవడంలో బాధితులు ఇబ్బందులు పడ్డారు. కిటికీల్లోంచి కేకలు వేసిన దృశ్యాలు ఆందోళన రేపాయి.
సకాలంలో అక్కడికి చేరుకున్న అగ్నిమాపక సిబ్బంది మంటలను అదుపులోకి తెచ్చారు. ప్రస్తుతం లోపల చిక్కుకున్న వారిని... బయటకు తీసుకొచ్చి ఆంబులెన్సుల ద్వారా.. లబ్బీపేటలోని రమేశ్‌ ఆస్పత్రికి చెందిన మరో సెంటర్‌కు తరలిస్తున్నారు.
ప్యాలెస్లో 30 మంది వరకు చికిత్స పొందుతున్నట్లు తెలుస్తుండగా... 10 మంది సిబ్బంది వారికి వైద్యసేవలు అందిస్తున్నారు. ఈ ప్రమాదంలో ఇప్పటివరకు ఏడుగురు మృతి చెందారు. షార్ట్‌సర్క్యూట్‌తో మంటలు చెలరేగాయని సీపీ శ్రీనివాసులు తెలిపారు. ఎన్డీఆర్ ఎఫ్ బృందం సహాయ చర్యల్లో పాల్గొన్నారు.