సూపర్​ మార్కెట్​ మేనేజర్​కు రూ.2వేలు జరిమానా

వ్యాపార నిర్వాహకులు కొవిడ్​ నిబంధనలను పాటించాలని కంటోన్మెంట్ బోర్డు శానిటరీ సూపరిండెంట్ దేవేందర్, శానిటరీ ఇన్​స్పెక్టర్ ఆకుల మహేందర్ సూచించారు. పాటించకపోతే చట్టపరమైన చర్యలు తీసుకుంటామని హెచ్చరించారు. నిబంధనలు పాటించని ఓ సూపర్​ మార్కెట్​కు 2వేల రూపాయల జరిమానా విధించినట్లు శానిటరీ ఇన్​స్పెక్టర్​ తెలిపారు.

వ్యాపార సముదాయాలు, సూపర్ మార్కెట్, హోటల్, టిఫిన్ సెంటర్ల యజమానులు తప్పనిసరిగా కొవిడ్​ నిబంధనలు పాటించకపోతే చట్టపరమైన చర్యలు తీసుకుంటామని కంటోన్మెంట్ బోర్డు శానిటరీ సూపరిండెంట్ దేవేందర్, శానిటరీ ఇన్​స్పెక్టర్ ఆకుల మహేందర్ హెచ్చరించారు. కంటోన్మెంట్ బోర్డు పరిధిలోని వివిధ ప్రాంతాల్లో వారు పర్యటించి కొవిడ్-19 నిబంధనలను పాటించని వ్యాపార నిర్వాహకులకు పలు సూచనలు చేశారు.

బోయిన్​పల్లి మనోవికాస్ నగర్​లోని రిలయన్స్ సూపర్ మార్కెట్లో కొవిడ్ నిబంధనలను పాటించకుండా వ్యాపార కార్యకలాపాలు నిర్వహించడం వల్ల మేనేజర్‌కు 2 వేల రూపాయల జరిమానా విధించినట్లు శానిటరీ ఇన్​స్పెక్టర్​ ఆకుల మహేందర్ తెలిపారు. ఇతర దుకాణాలను కూడా తనిఖీ చేశారు. వివిధ వస్తువులను కొనుగోలు చేసేందుకు సూపవర్ మార్కెట్​కు వచ్చే వినియోగదారులు తప్పనిసరిగా మాస్కులు ధరించాలని... వినియోగదారులకు శానిటైజర్‌ను అందుబాటులో ఉంచాలని సూచించారు.

ఇదీ చదవండి:మానవత్వం చాటుకున్న మేయర్​ విజయలక్ష్మి