1. సరికొత్తగా పార్లమెంటు సమావేశాలు
కరోనా నేపథ్యంలో పార్లమెంటు వర్షాకాల సమావేశాలు సరికొత్త వాతావరణంలో జరుగుతున్నాయి. ఎంపీలందరూ మాస్కులు ధరించి హాజరయ్యారు. సభ్యులు భౌతిక దూరం పాటించేలా అధికారులు కట్టుదిట్టమైన ఏర్పాట్లు చేశారు. సభ్యుల హాజరు కోసం రిజిస్టర్ బదులుగా తొలిసారి యాప్ను ఉపయోగిస్తున్నారు. పూర్తి వివరాల కోసం క్లిక్ చేయండి.
2. పది నిమిషాల్లోనే రిజిస్ట్రేషన్లు పూర్తి
రైతులు, ప్రజలకు లంచాలు ఇచ్చే బాధ తప్పాలనేది ప్రభుత్వ ఉద్దేశమని సీఎం కేసీఆర్ తెలిపారు. పకడ్బందీ వ్యూహంతో పేద రైతుల హక్కులు కాపాడుతామన్నారు. శాసనమండలిలో కొత్త రెవెన్యూ బిల్లును ముఖ్యమంత్రి ప్రవేశపెట్టారు. పది నిమిషాల్లోనే రిజిస్ట్రేషన్లు పూర్తయ్యేలా చట్టాన్ని రూపొందించినట్లు వెల్లడించారు. పూర్తి వివరాల కోసం క్లిక్ చేయండి.
3. వైద్య సీట్లు కోల్పోయే పరిస్థితి ఉండకూడదు
అధ్యాపకులు లేక రాష్ట్రం... వైద్య సీట్లు కోల్పోయే పరిస్థితి ఉండకూడదని మంత్రి హరీశ్ రావు పేర్కొన్నారు. వైద్య సీట్లు కోల్పోతే రాష్ట్రానికి, విద్యార్థులకు నష్టం జరుగుతుందన్నారు. వైద్య విద్యార్థులపై ప్రభావం లేకుండా బోధనా సిబ్బంది వయో పరిమితి మాత్రమే పెంచుతున్నామని స్పష్టం చేశారు. వైద్య కళాశాలల్లో అధ్యాపకుల వయోపరిమితిని పెంచుతూ శాసనసభలో బిల్లు పెట్టారు. పూర్తి వివరాల కోసం క్లిక్ చేయండి.
4. వ్యవసాయ ఆర్డినెన్సులు రద్దు చేయాలి
కేంద్ర ప్రభుత్వం ఇటీవల తీసుకొచ్చిన వ్యవసాయ వ్యతిరేక మూడు ఆర్డినెన్సులు రద్దు చేయాలని అఖిలపక్ష రైతు సంఘాల నేతలు డిమాండ్ చేశారు. పంటల కొనుగోళ్లకు స్వేచ్ఛా వాణిజ్యం, కంపెనీలకు కార్పొరేట్ వ్యవసాయం, వ్యవసాయోత్పత్తుల నిల్వలపై పరిమితి విధించాలని కోరారు. వ్యవసాయదారులు, గృహ వినియోగదారులపై ఛార్జీల భారం పెంచే విద్యుత్ సవరణ బిల్లు ఉపసంహరించుకోవాలని విజ్ఞప్తి చేశారు. పూర్తి వివరాల కోసం క్లిక్ చేయండి.
5. పార్లమెంటుకు సోనియా, రాహుల్ గైర్హాజరు
అసాధారణ పరిస్థితుల్లో నిర్వహిస్తోన్న పార్లమెంటు సమావేశాలకు కాంగ్రెస్ పార్టీ అగ్రనేతలు సోనియా గాంధీ, రాహుల్ గాంధీ గైర్హాజరు అయ్యారు. సాధారణ వైద్య పరీక్షల కోసం అమెరికాకు వెళ్లిన సోనియా.. కరోనా కాలంలో కీలకమైన సమావేశాల్లో పాల్గొనకపోవటంపై విమర్శలు వినిపిస్తున్నాయి. పూర్తి వివరాల కోసం క్లిక్ చేయండి.