1. ఐదు కోట్లు దాటిన కరోనా పరీక్షలు
దేశంలో కరోనా పరీక్షల సంఖ్య 5 కోట్లు దాటింది. దేశవ్యాప్తంగా సోమవారం ఒక్కరోజే 10 లక్షల 98వేల 621 టెస్టులు నిర్వహించినట్లు కేంద్ర ఆరోగ్యశాఖ తెలిపింది. పూర్తి వివరాల కోసం క్లిక్ చేయండి.
2. రాష్ట్ర ఎన్నికల కమిషనర్‌గా పార్థసారథి
రాష్ట్ర ఎన్నికల కమిషనర్‌గా విశ్రాంత ఐఏఎస్ అధికారి పార్థసారథిని ప్రభుత్వం నియమించింది. ఈ మేరకు నియామక ఉత్తర్వులు జారీ చేసింది. పార్థసారథి వ్యవసాయశాఖ ముఖ్య కార్యదర్శిగా పని చేశారు. రాష్ట్ర పర్యావరణ పరిరక్షణ, శిక్షణ, పరిశోధనా సంస్థ (ఈపీటీఆర్‌ఐ) డైరెక్టర్‌ జనరల్గానూ సేవలందించారు. పూర్తి వివరాల కోసం క్లిక్ చేయండి.
3. రోజుకు ఆరు నిమిషాలే ఇస్తే ఎలా?
రాష్ట్ర శాసనసభలో అధికార పక్షం ప్రతిపక్షాలను తొక్కేస్తుందని సీఎల్పీ నేత భట్టి విక్రమార్క ఆవేదన వ్యక్తం చేశారు. ప్రజా సమస్యలపై మాట్లాడటానికి కేవలం ఆరు నిమిషాల సమయం మాత్రమే ఇస్తున్నారని మండిపడ్డారు. అసెంబ్లీ వద్ద మీడియా పాయింట్ను పునరుద్ధరించేలా స్పీకర్ చర్యలు తీసుకోవాలని జీవన్ రెడ్డి కోరారు. పూర్తి వివరాల కోసం క్లిక్ చేయండి.
4. అంతర్వేదిలో ఉద్రిక్తం
ఏపీలోని తూర్పు గోదావరి జిల్లా అంతర్వేదిలో ఉద్రిక్త వాతావరణం నెలకొంది. లక్ష్మీనరసింహస్వామి రథం దగ్ధంపై హిందూ సంస్థలు ఆగ్రహం వ్యక్తం చేశాయి. అంతర్వేది వచ్చిన మంత్రులను వీహెచ్‌పీ, భజరంగదళ్ సంస్థలు నిలదీశాయి. పూర్తి వివరాల కోసం క్లిక్ చేయండి.
5. విపక్షాల ఉమ్మడి అభ్యర్థి!
పార్లమెంటు వర్షాకాల సమావేశాలు త్వరలో మొదలుకానున్నాయి. ఈ నేపథ్యంలో రాజ్యసభ నూతన డిప్యూటీ ఛైర్మన్ పదవికి.. విపక్షాలన్నీ కలిసి ఉమ్మడి అభ్యర్థిని నిలబెట్టాలని భావిస్తోంది కాంగ్రెస్. ఇదేే విషయంపై ఇతర పార్టీలను సంప్రదిస్తామని వెల్లడించింది. పూర్తి వివరాల కోసం క్లిక్ చేయండి.