1.ఘోర ప్రమాదం
మహారాష్ట్ర నాసిక్లోని డా. జాకీర్ హుస్సేన్ ఆసుపత్రిలో ఘోర ప్రమాదం జరిగింది. ఆక్సిజన్ ట్యాంకర్ లీకేజీ కారణంగా.. 22 మంది రోగులు చనిపోయారు. ఘటనకు సంబంధించి పూర్తి వివరాలు తెలియాల్సి ఉంది. పూర్తి వివరాల కోసం క్లిక్ చేయండి.
2.'ఇంటికే వచ్చి పరీక్షలు చేస్తారు..'
మహబూబ్నగర్ జిల్లాలో 3 కొవిడ్ మొబైల్ క్లినిక్ అంబులెన్సు సేవలను మంత్రి శ్రీనివాస్ గౌడ్ ప్రారంభించారు. ఫోన్ ద్వారా సమాచారమిస్తే ఇంటికే వచ్చి పరీక్షలు చేస్తారని తెలిపారు. అనంతరం జిల్లా కేంద్రంలోని ప్రైవేటు టీచర్లకు మంత్రి బియ్యం పంపిణీ చేశారు. కర్ఫ్యూకు ప్రజలందరూ సహకరించాలని కోరారు. పూర్తి వివరాల కోసం క్లిక్ చేయండి.
3.రాములోరి కల్యాణం
భద్రాద్రి రాములోరి కల్యాణ వేడుక కరోనా వైరస్ నేపథ్యంలో ఎన్నడూ లేని విధంగా కొద్దిమంది సమక్షంలోనే నిరాడంబరంగా జరిగింది. అభిజిత్‌ లగ్నంలో రాముడు, జగన్మాత సీతమ్మ మెడలో... మాంగళ్యధారణ చేశారు. ప్రభుత్వం తరపున మంత్రులు ఇంద్రకరణ్‌ రెడ్డి, పువ్వాడ అజయ్‌ కుమార్‌... స్వామివారికి పట్టువస్త్రాలు, ముత్యాల తలంబ్రాలు సమర్పించారు. ఎప్పుడూ వైభవోపేతంగా జరిగే జగదభిరాముడి కళ్యాణాన్ని నేరుగా చూడలేకపోయిన భక్తులు... టీవీల్లో ప్రత్యక్ష ప్రసారం ద్వారా వీక్షించారు. పూర్తి వివరాల కోసం క్లిక్ చేయండి.
4.కొవాగ్జిన్ పనితీరు భేష్
కరోనాపై పోరుకు దేశీయ ఫార్మా సంస్థ భారత్‌ బయోటెక్‌ రూపొందించిన కొవాగ్జిన్.. కొత్తరకం మ్యుటేషన్ల పైనా సమర్థవంతంగా పనిచేస్తున్నట్లు పరిశోధనల్లో వెల్లడైంది. ఈ మేరకు ఐసీఎంఆర్ ప్రకటన విడుదల చేసింది. పూర్తి వివరాల కోసం క్లిక్ చేయండి.
5.కొవిషీల్డ్ టీకా ధర ప్రకటన
కొవిషీల్డ్ టీకా ధరను సీరం సంస్థ ప్రకటించింది. రాష్ట్ర ప్రభుత్వాలకు సింగిల్ డోసు టీకాను రూ.400కు సరఫరా చేయనున్నట్లు తెలిపింది. ప్రైవేటు ఆస్పత్రులకు సింగిల్ డోసుకు రూ.600 చొప్పున విక్రయించనున్నట్లు పెర్కొంది. ఈ మేరకు అధికారిక ప్రకటన విడుదల చేసింది. పూర్తి వివరాల కోసం క్లిక్ చేయండి.