ప్రభుత్వ రంగ బ్యాంకులకు వరుస సెలవులు ఉన్నట్లు ఉన్నతాధికారులు తెలిపారు. ఈ విషయాన్ని ఖాతాదారులు గమనించాలని సూచించారు. తమ అవసరాలకు ఇబ్బందులు కలగకుండా చూసుకోవాలని విజ్ఞప్తి చేశారు. ఆదివారాలు, పండుగ పర్వదినాలు కాకుండా ప్రతి నెలా రెండు, నాలుగు శనివారాలు బ్యాంకులకు సెలవులు రాగా... ఏప్రిల్ 14 వరకు సుమారు 10 రోజులు మాత్రమే బ్యాంకులు పనిచేయనున్నాయి.
ఖాతాదారులకు గమనిక: బ్యాంకులకు వరుస సెలవులు
రెండో, నాలుగో శనివారాలు, ఆదివారాలు, పండుగలంటూ బ్యాంకులకు వరుస సెలవులున్నట్లు ఉన్నతాధికారులు తెలిపారు. ఈ విషయాన్ని గమనించి ఖాతాదారులు తమ బ్యాంకు పనులు చూసుకోవాలని సూచించారు. బ్యాంకు పనిదినాలు, సెలవు దినాలు ఇలా ఉన్నాయి...
బ్యాంకులకు వరుస సెలవులు
ఈ నెల 27న నాలుగో శనివారం, 28 ఆదివారం, 29 హోలీ పర్వదినం ఈ మూడు రోజులు బ్యాంకులు పనిచేయవని బ్యాంకు అధికారులు తెలిపారు. ఈ నెల 30, 31 రెండు రోజులు బ్యాంకులు పనిచేస్తాయని పేర్కొన్నారు. ఏప్రిల్ 1న బ్యాంకులు పని చేసినప్పటికీ ఖాతాదారుల లావాదేవీలు కొనసాగవని తెలిపారు. ఏప్రిల్ 2న గుడ్ఫ్రైడే కారణంగా బ్యాంకులు పని చేయవన్నారు. ఏప్రిల్ 3న ఒక్క రోజు బ్యాంకులు పనిచేస్తాయి. 4న ఆదివారం, 5న బాబు జగ్జీవన్ రావ్ జయంతి రెండు రోజులు సెలవులు. 6, 7, 8, 9 నాలుగు రోజులు బ్యాంకులు పనిచేస్తాయని తెలిపారు. 10న రెండో శనివారం, 11న ఆదివారం ఈ రెండు రోజులు బ్యాంకులకు సెలవులని పేర్కొన్నారు.
ఇదీ చూడండి: అప్పులకు బలైన రైతు కుటుంబం.. పరువు కోసం బలవన్మరణం
Last Updated : Mar 25, 2021, 3:11 PM IST