కరోనా, బ్లాక్‌ఫంగస్‌కు ఉచిత చికిత్స కోసం కాంగ్రెస్ డిమాండ్
కరోనా నియంత్రణ, వ్యాక్సినేషన్‌ విషయంలో కేంద్ర, రాష్ట్ర ప్రభుత్వాలు విఫలమయ్యాయని కాంగ్రెస్ విమర్శించింది. కరోనా, బ్లాక్‌ ఫంగస్‌కు ఉచితంగా చికిత్స చేయాలని డిమాండ్ చేస్తూ రాష్ట్రవ్యాప్తంగా కాంగ్రెస్ నేతలు నిరసనలు తెలిపారు. హైదరాబాద్‌ గాంధీభవన్‌లో టీపీసీసీ అధ్యక్షుడు ఉత్తమ్‌కుమార్‌ రెడ్డి, సీఎల్పీ నేత భట్టి విక్రమార్క సహా ముఖ్యనేతలంతా సత్యాగ్రహ దీక్షలో పాల్గొన్నారు.
దేశంలో భయంకర పరిస్థితి నెలకొన్నా.. ప్రభుత్వాలు నిమ్మకు నీరెత్తినట్లు వ్యవహరిస్తున్నాయని విమర్శించారు. రాష్ట్రంలో తక్షణమే కరోనాను ఆరోగ్యశ్రీలో చేర్చడం సహా.. ప్రైవేటు ఆస్పత్రులు వసూలు చేసిన అధిక ఫీజులను తిరిగి బాధితులకు చెల్లించాలని డిమాండ్ చేశారు.