సీఈసీ బృందాన్ని కలిసిన కాంగ్రెస్​ నేత మర్రి శశిధర్​రెడ్డి

కేంద్ర ఎన్నికల సంఘం బృందాన్ని కాంగ్రెస్​ నేత మర్రి శశిధర్​రెడ్డి కలిశారు. రాష్ట్రంలో ఎన్నికల నిర్వహణ అంశాలపై ఫిర్యాదు చేశారు. వీవీప్యాట్​లో పార్టీల గుర్తులు ఎక్కువ సమయం కన్పించేలా చర్యలు తీసుకోవాలని కోరారు.

మాజీ మంత్రి, కాంగ్రెస్​ సీనియర్​ నేత మర్రి శశిధర్​ రెడ్డి కేంద్ర ఎన్నికల బృందాన్ని కలిశారు. రాష్ట్రంలో ఎన్నికల నిర్వహణ, అధికారుల పనితీరుపై ఫిర్యాదు చేశారు. నిజామాబాద్​ ఎన్నికలు ఎట్టి పరిస్థితుల్లోనూ వాయిదా వేయొద్దని సీఈసీని కోరినట్లు మర్రి తెలిపారు. ఈవీఎంలు వినియోగించే విధానంపై సూచనలు చేశామని పేర్కొన్నారు. సీఈసీ సానుకూలంగా స్పందించినట్లు వెల్లడించారు.

కేసీఆర్​ నియమావళి ఉల్లంఘించారు

ముఖ్యమంత్రి కేసీఆర్​ రైతు సమస్యల అంశానికి ప్రచార మాధ్యమాన్ని వాడుకుని ఎన్నికల నియమావళి ఉల్లంఘించారని మర్రి ఆరోపించారు. వీవీ ప్యాట్​లలో వివిధ పార్టీల గుర్తులు అధిక సమయం కన్పించేలా చర్యలు తీసుకోవాలని కోరినట్లు తెలిపారు.

ఇదీ చదవండి :నేత కార్మికులను ఆదుకుటాం: శ్రీనివాస్​ గౌడ్​