కుప్పకూలిన వేలాడే వంతెన.. నదిలో పడ్డ 30 మంది విద్యార్థులు

అసోంలో వేలాడే వంతెన కుప్పకూలింది. ఈ ఘటనలో దాదాపు 30 మంది విద్యార్థులు గాయపడ్డారు. సింగ్లా నదిని దాటుతుండగా వంతెన అకస్మాత్తుగా కూలి.. విద్యార్థులు నదిలో పడిపోయారు.

అసోంలోని కరీంగంజ్ జిల్లాలో వేలాడే వంతెన కూలిపోవడంతో 30 మందికి పైగా విద్యార్థులు గాయపడ్డారు. విద్యార్థులు పాఠశాల నుంచి ఇంటికి తిరిగి వస్తుండగా ఈ ఘటన జరిగింది.

జిల్లాలోని రతబరి అసెంబ్లీ నియోజకవర్గంలోని చెరగి ప్రాంతంలో సోమవారం ఈ సంఘటన జరిగింది. చెరగి ప్రాంతాన్ని అనుసంధానించి సింగ్లా నదిపై వేలాడే వంతెనను మూడేళ్ల క్రితం నిర్మించారని గ్రామస్థులు తెలిపారు. చెరగిలోని ఓ పాఠశాల విద్యార్థులు సింగ్లా నదిని దాటుతుండగా వంతెన అకస్మాత్తుగా కూలిపోయింది. విద్యార్థులు నదిలో పడిపోగా.. స్థానికులు రక్షించారు.

ఇదీ చూడండి:ఒక్కడే 75 మందిని పెళ్లాడి.. 200 మంది అమ్మాయిల్ని...