సినీ పరిశ్రమలో మరో విషాదం.. ప్రముఖ కొరియోగ్రాఫర్​ కన్నుమూత

11:53 November 11

సినీ పరిశ్రమలో మరో విషాదం.. ప్రముఖ కొరియోగ్రాఫర్​ కన్నుమూత

సినీ ప‌రిశ్ర‌మ‌ను వ‌రుస విషాదాలు వెంటాడుతున్నాయి. టాలీవుడ్‌, బాలీవుడ్‌, కోలీవుడ్‌ అనే తేడా లేకుండా వ‌రుస‌గా సినీ ప్ర‌ముఖులు క‌న్నుమూస్తున్నారు. తాజాగా ప్ర‌ముఖ నృత్య ద‌ర్శ‌కుడు కూల్ జ‌యంత్(44) తుదిశ్వాస విడిచారు. గ‌త కొంతకాలంగా క్యాన్సర్​తో బాధ‌ప‌డుతున్న ఆయ‌న.. చెన్నైలోని తన నివాసంలో క‌న్నుమూశారు. 'ప్రేమదేశం'లో కూల్ జయంత్‌ను కొరియోగ్రాఫర్​గా పరిచయం చేసిన నిర్మాత కె.టి.కునుజోమ్ ఈ విషయాన్ని సోషల్ మీడియా ద్వారా వెల్లడించారు.  

డ్యాన్స‌ర్‌గా కెరీర్‌ను ప్రారంభించిన కూల్​ జయంత్.. ప్ర‌భుదేవా, రాజు సుంద‌రం మాస్ట‌ర్ల డ్యాన్స్ ట్రూపుల‌లో పని చేశాడు. సుమ‌రు 800 చిత్రాల్లో డ్యాన్స‌ర్‌గా చేశారు. 'కాదల్‌ దేశం' చిత్రం ద్వారా కొరియోగ్రాఫర్‌గా మారారు. తమిళం, మలయాళం భాషల్లో సుమారు 100కు పైగా చిత్రాలకు నృత్య దర్శకుడిగా పని చేశారు. ఆయన మృతిపై పలువురు తమిళ, మలయాళ సినీ ప్రముఖులు సంతాపం తెలిపారు.