'నిబంధనలు పాటించకపోతే వైరస్‌ విజృంభించే అవకాశం'

కరోనా మహమ్మారి వ్యాప్తిపై ఐసీఎమ్మార్​ అనుబంధ సంస్థ ఎన్​ఐఎన్​, సీసీఎంబీ, భారత్‌ బయోటెక్ సంస్థలు సంయుక్తంగా హైదరాబాద్‌లో సీరో సర్వేని నిర్వహించాయి. ఈ ఏడాది జనవరి తొలివారం నుంచి దాదాపు రెండు నెలలపాటు సాగిన సర్వేలో సుమారు 9 వేల మంది శాంపిళ్లను పరీక్షించారు. ఇందులో సుమారు 54 శాతం మందిలో యాంటీ బాడీలు ఉన్నట్లు గుర్తించామంటున్న సీసీఎంబీ డైరెక్టర్ రాకేష్ కే మిశ్రా, ఎన్​ఐఎన్​ సీనియర్ సైంటిస్ట్ డాక్టర్ లక్ష్మయ్యతో ఈటీవీ భారత్​ ప్రతినిధి రమ్య ముఖాముఖి.

"హైదరాబాద్​లో సీరో సర్వేలో భాగంగా 9,500 శాంపిళ్లను పరీక్షించాం. నగరం‌లోని 30 వార్డుల నుంచి సేకరించాం. 54 శాతం మందిలో యాంటీ బాడీలు గుర్తించాం. 10 నుంచి 90 వయస్సున్న వారి నుంచి శాంపిళ్లు తీసుకున్నాం. దాదాపు అందిరిలోనూ యాంటీ బాడీలు వృద్ధి చెందాయి. 70 శాతం పైబడిన వారిలో యాంటీ బాడీలు తక్కువగా ఉన్నాయి. సర్వేలో ఎన్‌ఐఎన్‌ పాత్ర కీలకమైనది. సీరో, సీవేజ్‌ సర్వేల ఫలితాలు చాలా మేరకు దగ్గరగా ఉన్నాయి. తెలుగు రాష్ట్రాల్లో రెండు కొత్త రకం కేసులు వెలుగుచూశాయి. ప్రజలు నిబంధనలు పాటించకపోవటం వల్ల కేసులు వస్తున్నాయి. వివాహాలు, వింధులు వంటి సూపర్‌ స్ర్పెడర్స్‌ వల్ల వెలుగు చూస్తున్నాయి. మాస్కులు, శానిటైజ్‌ వల్ల కరోనా నియంత్రించవచ్చు. ప్రజలు నిబంధనలు పాటిస్తే కరోనాను జయించవచ్చు. ఒకవేళ నిబంధనలు పాటించకపోతే వైరస్‌ విజృంభించే అవకాశం ఉంది." -సీసీఎంబీ డైరెక్టర్ రాకేష్ కే మిశ్రా

"జనవరిలో శాంపిళ్లను పరీక్షించాం. 30 వార్డుల్లో ఒక్కో వార్డు నుంచి 300 శాంపిళ్లు పరీక్షించాం. లక్షణాలు లేని చాలా మందికి కరోనా వైరస్‌ వచ్చింది. లక్షణాలు లేని చాలా మందిలో యాంటీ బాడీస్ గుర్తించాం. ప్రభుత్వ సహకారంతో సీరో సర్వేను చేయగలిగాం." -ఎన్‌ఐఎన్‌ సీనియర్ సైంటిస్ట్ లక్ష్మయ్య

ఇదీ చూడండి: హైదరాబాద్‌లో 54 శాతం మందిలో కొవిడ్‌ యాంటీబాడీలు