'పాత భవనాలను పునర్నిర్మాణం చేయడానికే రాష్టాన్ని తెచ్చుకున్నామా..?'

ఉస్మానియా యూనివర్సిటీ ఆర్ట్స్ కళాశాల ఎదుట నిరుద్యోగ సెమినార్ నిర్వహించారు. ఈ సమావేశానికి హాజరైన భట్టి విక్రమార్క.. 'ఏడేండ్ల కేసీఆర్ పాలనలో ఆగమైన విద్యార్థి, నిరుద్యోగ బతుకులు' అనే అంశంపై చర్చించారు. పాత భవనాలను పునర్నిర్మాణం చేయడానికే రాష్టాన్ని తెచ్చుకున్నట్లు ఉందని మండిపడ్డారు.

ఏ లక్ష్యాలతో రాష్టాన్ని సాధించుకున్నామో.. ఆ లక్ష్యం నెరవేరడం లేదని కాంగ్రెస్ శాసనసభ పక్షనేత భట్టి విక్రమార్క అన్నారు. ఉస్మానియా యూనివర్సిటీ ఆర్ట్స్ కళాశాల ఎదుట నిరుద్యోగ సెమినార్​లో ఆయన పాల్గొన్నారు. 'ఏడేండ్ల కేసీఆర్ పాలనలో ఆగమైన విద్యార్థి, నిరుద్యోగ బతుకులు' అనే అంశంపై చర్చించారు.

ఉద్యోగమూ హక్కే..

రాష్ట్రంలో భావ ప్రకటన స్వేచ్ఛ లేకుండా పోయిందని భట్టి విమర్శించారు. ప్రాజెక్టుల పేరుతో నిధులు పక్కదారి పడుతున్నాయని ఆరోపించారు. పాత భవనాలను పునర్నిర్మాణం చేయడానికే రాష్టాన్ని తెచ్చుకున్నట్లు ఉందన్నారు. ప్రతి ఏడాది బడ్జెట్​లో విద్యకు నిధులు తగ్గుతున్నాయని ఆరోపించారు. విద్యార్థుల సమస్యలపైన శాసనసభలో ప్రశ్నిస్తానన్నారు. రాష్టాన్ని సాధించడమూ, ఉద్యోగం తెచ్చుకోవడమూ మన హక్కేనన్నారు.

ఎస్సీ, ఎస్టీ, మైనార్టీకి నిధులు ఇవ్వకుండా ప్రాజెక్ట్​లకు నిధులు మళ్లిస్తున్నారని మాజీ ఎంపీ మధుయాష్కీ గౌడ్ ఆరోపించారు. తెలంగాణను రక్షించుకోవాల్సిన అవసరముందని.. అందరం కూటమిగా ఏర్పడి రాజకీయ పోరాటం చేయాలని కోరారు.

ఇదీ చూడండి:రికార్డు ధర పలికిన పసుపు.. రైతుల హర్షం