బడ్జెట్​ సమావేశాలకు అసెంబ్లీ ముస్తాబు

బడ్జెట్​ సమావేశాల కోసం అసెంబ్లీ ముస్తాబైంది. ప్రవేశ ద్వారాల వద్ద, పార్కింగ్​ వద్ద పోలీసులు గట్టి బందోబస్తు ఏర్పాట్లు చేశారు. గన్​పార్క్​ వద్ద కూడా పోలీసులను మోహరించారు.

రేపటి నుంచి జరిగే శాసనసభ బడ్జెట్‌ సమావేశాలకు అన్ని ఏర్పాట్లు పూర్తయ్యాయి. అసెంబ్లీ ఆవరణలో చిన్నపాటి మరమ్మతులు చేసి, రంగులు వేశారు. పోలీసులు తనిఖీ చేసేందుకు వీలుగా బారికేడ్లు ఏర్పాటు చేసి.... ప్రవేశ ద్వారాల వద్ద పటిష్ఠ భద్రత ఏర్పాట్లు చేశారు. ప్రజాప్రతినిధులు, మీడియా వాహనాలకు వేర్వేరుగా పార్కింగ్‌ సదుపాయం కల్పించారు.

పాస్​లు ఉన్న వారికే అనుమతి

అసెంబ్లీలోకి పాస్‌లు ఉన్న వారిని మాత్రమే అనుమతించే విధంగా మూడంచెల భద్రత ఏర్పాటు చేశారు. మీడియా ప్రతినిధులు ఎవరికి ఎలాంటి పాస్​లు ఇచ్చారో అక్కడే ఉండేట్లు, ఇతర ప్రాంతాల్లో తిరగకుండా ఆంక్షలు విధించారు.

గన్​పార్క్ వద్ద కూడా భద్రత

సమావేశాల సందర్భంగా ప్రతిపక్ష పార్టీలు, ప్రజా సంఘాల ఆందోళనల నివారణపై ప్రత్యేకంగా దృష్టి సారించారు. గన్‌పార్క్‌ వద్ద కూడా బందోబస్తు ఏర్పాటు చేశారు. ఎలాంటి అవాంఛనీయ ఘటనలు జరగకుండా పోలీసులు తగిన జాగ్రత్తలు తీసుకున్నారు.

ఇవీ చూడండి: కేసీఆర్​ కేబినెట్​లో 18కి చేరిన మంత్రుల సంఖ్య