అసోం ముఖ్యమంత్రి హిమంత బిశ్వ శర్మ దిల్లీలో ప్రధాని మోదీని కలిశారు. అసోం- మిజోరాం సరిహద్దు వివాదం హింసాత్మకంగా మారిన విషయం తెలిసిందే. అందువల్ల ఈ భేటీ ప్రాధాన్యత సంతరించుకుంది.
అసోం-మిజోరాం సరిహద్దుల్లో జూలై 26న ఘర్షణలు చెలరేగాయి. ఈ ఘటనలో మిజోరాం పోలీసులు అసోం పోలీసులపై కాల్పులు జరిపారు. ఈ ఘటనలో ఆరుగురు అసోం పోలీసులు మరణించగా.. 50 మందికి పైగా గాయపడ్డట్లు సమాచారం. ఆ తర్వాత ఇరు రాష్ట్రాలు వివాద పరిష్కారానికి కేంద్రం సాయం కోరాయి.
బ్రిటీష్ కాలం నాటి సరిహద్దు వివాదం ఒక్కసారిగా బయటకు రావడమే ప్రధాన కారణమని.. ఈ సమస్యను వీలైనంత త్వరగా పరిష్కరించాలని కేంద్ర ప్రభుత్వం భావిస్తోంది. ఈ సమస్యపై చర్చించేందుకు అసోం సీఎం హిమంత్‌ బిశ్వ శర్మ సోమవారం ప్రధాని మోదీతో సమావేశమయ్యారు.
అసోం- మిజోరాం సరిహద్దుల సమస్య, శాంతి పునరుద్ధరణపై కీలకంగా చర్చించనున్నారు. ఈ రాష్ట్రాల మధ్య నెలకొన్న సరిహద్దు సమస్యకు కేంద్రం పరిష్కారం చూపెడుతుందని అంతా భావిస్తున్నారు.
ఇదీ చూడండి: లోక్సభలో మూడు బిల్లులకు ఆమోదం- రేపటికి వాయిదా