షేక్​పేట తహసీల్దార్ ఇంట్లో ఏసీబీ సోదాలు

హైదరాబాద్ షేక్​పేట తహసీల్దార్ నివాసంలో ఏసీబీ అధికారులు సోదాలు జరిపారు. ఈ తనిఖీల్లో దాదాపు 30 లక్షల రూపాయల నగదు, విలువైన ఆభరణాలను గుర్తించారు.

తీగ లాగితే డొంకంతా కదిలినట్లుంది షేక్​పేట మండల కార్యాలయంలో అవినీతి బాగోతం. ఓ వ్యక్తి భూమి విషయమై ఆర్​ఐ లంచం తీసుకున్న వ్యవహారం ఎమ్మార్వో వరకు వెళ్లింది. హైదరాబాద్ గాంధీనగర్​లో షేక్​పేట్​ ఎమ్మార్వో సీహెచ్​ సుజాత ఇంట్లో ఏసీబీ ఇన్వెస్టిగేషన్ టీం డీఎస్పీ శ్రీకాంత్ పర్యవేక్షణలో తనిఖీలు కొనసాగాయి.

ఈ తనిఖీల్లో దాదాపు 30 లక్షల రూపాయల నగదు, 150 గ్రాముల బంగారు ఆభరణాలు, విలువైన సెల్​ ఫోన్లు, ఇతర వస్తువులను అధికారులు గుర్తించారు.

ఇదీ చూడండి:జీహెచ్ఎంసీ పరిధిలో పదో తరగతి పరీక్షలు వాయిదా