భూవివాద పరిష్కారం కోసం లంచం తీసుకుంటూ చిక్కిన షేక్పేట తహసీల్దార్, ఆర్ఐ, బంజారాహిల్స్ ఎస్సైలను విచారణ కొనసాగుతోంది. నాంపల్లి అనిశా కార్యాలయానికి ముగ్గురిని తీసుకొచ్చిన అధికారులు ఈ కేసులో ఎంతమంది పాత్ర ఉందన్న దానిపై ఆరా తీస్తున్నారు. ఆర్ఐ, ఎస్సైలను ఉస్మానియా ఆస్పత్రికి తరలించిన అధికారులు.. వైద్య పరీక్షల అనంతరం కోర్టులో హాజరుపరచనున్నారు.
షేక్పేట్ ఘటనపై అనిశా విచారణ - acb more focused on sheekpet issue
లంచం తీసుకున్న కేసులో అనిశా విచారణ
11:49 June 07
షేక్పేట్ ఘటనపై అనిశా విచారణ
లంచం తీసుకున్న కేసులో అనిశా విచారణ
ఏం జరిగింది..
హైదరాబాద్ షేక్పేట్ తహసీల్దార్ కార్యాలయం రెవెన్యూ ఇన్‌స్పెక్టర్‌ రూ. 15 లక్షలు లంచం తీసుకుంటూ... అనిశా అధికారులకు శనివారం చిక్కారు. షేక్పేట ఆర్ఐ నాగార్జునరెడ్డిని.. బంజారాహిల్స్లోని ఒకటిన్నర ఎకరాలకు సంబంధించిన భూమి హద్దులు చూపించాలంటూ ఖలీద్‌ అనే వ్యక్తి ఆశ్రయించాడు. సంబంధిత భూమి... కేసులో ఉండడం వల్ల ఆర్ఐ బంజారాహిల్స్ పోలీసులకు ఫిర్యాదు చేశాడు. వివాదం పరిష్కరించాలంటే రూ. 30 లక్షలు ఇవ్వాలంటూ డిమాండ్ చేశాడు. శనివారం రూ. 15 లక్షలు... తహసీల్దార్ కార్యాలయం సమీపంలో తీసుకుంటుండగా... అనిశా అధికారులు దాడి చేసి పట్టుకున్నారు.
ఇదే కేసు విషయంలో బంజారాహిల్స్లో పనిచేస్తున్న రవీందర్ నాయక్... బాధితుడి నుంచి రూ. 3 లక్షలు డిమాండ్ చేసి రూ. లక్ష 50 వేలు తీసుకున్నాడు. మళ్లీ కేసు నుంచి తప్పించాలంటే మరో రూ. 3 లక్షలు ఇవ్వాలని డిమాండ్ చేశారు. ఎస్సై రవీందర్ నాయక్పై కూడా కేసు నమోదు చేసిన ఏసీబీ అధికారులు... దర్యాప్తు చేపట్టారు. అనంతరం షేక్పేట తహసీల్దార్ సుజాత ఇంట్లోను సోదాలు చేసిన అధికారులు కొంత నగదును స్వాధీనం చేసుకున్నారు.
Last Updated : Jun 7, 2020, 1:57 PM IST