fire accident warangal theatre : 'అఖండ' థియేటర్‌లో అగ్ని ప్రమాదం.. పరుగులు తీసిన ప్రేక్షకులు

fire accident in warangal gemini theatre : ప్రముఖ హీరో నందమూరి బాలకృష్ణ, దర్శకుడు బోయపాటి శ్రీను కాంబోలో తెరకెక్కిన అఖండ చిత్రం ప్రదర్శితమవుతున్న ఓ థియేటర్‌లో అగ్ని ప్రమాదం చోటుచేసుకోంది. ఈ ఘటన వరంగల్‌లో జరిగింది.

akhanda theatre fire accident : వరంగల్​లోని జెమిని థియేటర్‌లో నందమూరి బాలకృష్ణ అఖండ చిత్రం ప్రదర్శితమవుతున్న సమయంలో అపశృతి చోటుచేసుకుంది. ప్రేక్షకులంతా సినిమాలో నిమగ్నమై ఉండగా థియేటర్‌లో ఒక్కసారిగా అగ్నిప్రమాదం జరిగింది. పొగలు అలుముకోవడంతో భయాందోళనకు గురైన ప్రేక్షకులు బయటకు పరుగులు తీశారు.

అగ్నిమాపక సిబ్బందికి సమాచారం అందించగా.. వారు మంటలను అదుపులోకి తీసుకొచ్చారు. షార్ట్ సర్క్యూట్ వల్ల మంటలు వ్యాపించాయా.. ఇతర కారణాలు ఏమైనా ఉన్నాయా అనేది తెలియాల్సి ఉంది.

నందమూరి బాలకృష్ణ నటించిన అఖండ చిత్రం నేడు ప్రేక్షకుల ముందుకు వచ్చింది. బాలయ్య ద్విపాత్రాభినయం చేసిన ఈ సినిమాలో ప్రగ్యా జైస్వాల్ హీరోయిన్​గా నటించింది. శ్రీకాంత్ విలన్​గా చేశారు. పూర్ణ, జగపతిబాబు తదితరులు కీలకపాత్రలు పోషించారు. తమన్ సంగీతమందించారు. బోయపాటి శ్రీను దర్శకత్వం వహించారు. మిర్యాల రవీందర్​రెడ్డి నిర్మించారు.

ఇదీ చూడండి:Akhanda review: 'అఖండ' సినిమా.. ఆడియెన్స్​ రియాక్షన్​ ఇదే!