తెలంగాణ

telangana

ETV Bharat / city

Telangana Top News: టాప్ న్యూస్ @3PM - 3PM టాప్ న్యూస్

ఇప్పటి వరకు ఉన్న ప్రధాన వార్తలు

3pm topnews

3pm topnews

By

Published : Jun 27, 2022, 2:59 PM IST

యశ్వంత్ సిన్హా నామినేషన్..

విపక్ష పార్టీల రాష్ట్రపతి అభ్యర్థిగా యశ్వంత్‌ సిన్హా నామినేషన్‌ వేశారు. ఆ సమయంలో ఆయన వెంట కాంగ్రెస్‌ అగ్రనేతలు రాహుల్‌ గాంధీ, మల్లికార్జున్‌ ఖర్గే, ఎన్సీపీ అధినేత శరద్‌ పవార్‌, సీపీఎం ప్రధాన కార్యదర్శి సీతారాం ఏచూరి తదితరులు ఉన్నారు.

'మా అందరి గమ్యం అగ్నిపథ్'..

కేంద్రం తీసుకువచ్చిన అగ్నిపథ్ విధానాన్ని నిరసిస్తూ దేశవ్యాప్తంగా పలు రాష్ట్రాలలో ఆందోళనలు వ్యక్తం అవుతున్నాయి. ఈ పథకాన్ని ఉపసంహరించుకోవాలని ప్రతిపక్షాలు డిమాండ్ చేస్తున్నాయి.

సంజయ్ రౌత్కు ఈడీ సమన్లు..

మనీలాండరింగ్ కేసులో శివసేన ఎంపీ సంజయ్ రౌత్‌కు ఈడీ సమన్లు జారీ చేసింది. మంగళవారం విచారణకు హాజరుకావాలని సూచించింది. ఈడీ సమన్లను 'కుట్ర'గా అభివర్ణించారు సంజయ్ రౌత్.

రణరంగంగా పోడురైతుల పాదయాత్ర..

భద్రాద్రి కొత్తగూడెం జిల్లా అశ్వారావుపేటలో పోడు రైతులు తలపెట్టిన పాదయాత్ర రణరంగంగా మారింది. దశాబ్దాల తరబడిగా భూ సమస్యలు పరిష్కరించటం లేదంటూ.. రామన్నగూడెం వాసులు ప్రగతిభవన్కు బయలుదేరారు. పాదయాత్రగా వెళ్తున్న గ్రామస్థులను పోలీసులు అడ్డుకోవటంతో.. తీవ్ర ఉద్రిక్తత నెలకొంది.

అటవీ సిబ్బందితో రైతుల వాగ్వాదం

కుమురంభీం ఆసిఫాబాద్ జిల్లా బొందలగడ్డ గ్రామంలో ఉద్రిక్త పరిస్థితులు నెలకొన్నాయి. పోడు భూముల విషయంలో రైతులు అటవీశాఖ సిబ్బందికి మధ్య వివాదం చెలరేగింది. ఆర్ఎఫ్ఆర్ భూముల్లో మొక్కలు నాటేందుకు అధికారులు యత్నించగా.. ఎట్టి పరిస్థితుల్లోనూ తమ భూములను వదులుకునేది లేదని వారు ఎడ్లబండ్లను అడ్డంగా పెట్టారు.

గర్భిణిని పట్టించుకోకుండా వైద్యుల పార్టీ..

వైద్యుల నిర్లక్ష్యం.. ఈ లోకాన్ని చూడాల్సిన ఆ పసికందుకు శాపమైంది. కాన్పు కోసం ఆసుపత్రికి వచ్చిన ఆ తల్లికి కడుపు కోత మిగిల్చింది. తండ్రికి కన్నీరు మిగిల్చింది. ఈ విషాద ఘటన హైదరాబాద్లో చోటుచేసుకుంది.

'రెండేళ్లలో తెదేపా అధికారంలోకి రావడం పక్కా'

ఏపీలో రెండేళ్లలో తెదేపా అధికారంలోకి రావడం ఖాయమని.. ప్రముఖ సినీ దర్శకుడు కె.రాఘవేంద్రరావు ధీమా వ్యక్తం చేశారు. బాపట్ల జిల్లా చుండూరు మండలం నడిగడ్డపాలెంలో అభిమానులు ఏర్పాటు చేసిన ఎన్టీఆర్‌ విగ్రహాన్ని ఆయన ఆవిష్కరించారు.

'కెప్టెన్గా రోహిత్ శర్మను తప్పించొచ్చు!'

భారత జట్టు కెప్టెన్ రోహిత్ శర్మపై కీలక వ్యాఖ్యలు చేశాడు మాజీ ఓపెనర్ వీరేంద్ర సెహ్వాగ్. టీ20 ఫార్మాట్లో కెప్టెన్గా రోహిత్ శర్మను తప్పించొచ్చని అభిప్రాయపడ్డాడు. అందుకు పలు కారణాలను వివరించాడు. అవేంటంటే?

ఆ పని సరైన వయసులోనే చేశా!: వైష్ణవ్‌ తేజ్

హాట్ బ్యూటీ కేతికా శర్మతో కలిసి మెగా హీరో వైష్ణవ్ తేజ్ నటించిన చిత్రం 'రంగ రంగ వైభవంగా'. ఈ సినిమా టీజర్ విడుదల అయిన సందర్భంగా అభిమానులతో సరదాగా ముచ్చటించింది చిత్రబృందం. ఇందులో భాగంగా తన పలు ఆసక్తికర విషయాలను తెలిపారు వైష్ణవ్. ఆ సంగతులివీ..

'ఆ పాత్ర చేయండి ప్లీజ్.. రూ.2355కోట్లు ఇస్తాం'..

'పైరేట్స్ ఆఫ్ ది కరీబియన్'తో ప్రపంచవ్యాప్తంగా గుర్తింపు పొందిన జానీ డెప్ను.. మాజీ భార్య అంబర్హెర్డ్ చేసిన ఆరోపణల కారణంగా.. ఆ ఫ్రాంఛైజీ నుంచే తొలగించింది నిర్మాణ సంస్థ డిస్నీ. కానీ, డెప్ ఎలాంటి తప్పు చేయలేదని ఇటీవలే తేలిన నేపథ్యంలో తిరిగి అతడిని కెప్టెన్ జాక్స్పారోగా నటింపజేసేందుకు రూ.2355కోట్లను డిస్నీ ఆఫర్ చేసినట్లు తెలుస్తోంది.

For All Latest Updates

TAGGED:

Telangana Top News

3PM టాప్ న్యూస్

ఇప్పటి వరకు ఉన్న ప్రధాన వార్తలు

ABOUT THE AUTHOR

...view details