కమిషనరేట్ నూతన భవనం ప్రారంభం మేడ్చల్ జిల్లా నేరెడ్మెట్లో రాచకొండ కొత్త కమిషనరేట్ను హోంమంత్రి మహమూద్ అలీ ప్రారంభించారు. కార్యక్రమంలో డీజీపీ మహేందర్ రెడ్డి, పోలీస్ ఉన్నతాధికారులు పాల్గొన్నారు. దేశంలోనే ఉత్తమ పోలీసు వ్యవస్థగా హైదరాబాద్ పోలీసులకు పేరుందని హోంమంత్రి ప్రశంసించారు. ఫ్రెండ్లీ పోలీసింగ్ ద్వారా ప్రజలకు చేరువవుతున్నట్లు చెప్పారు.
అభివృద్ధి చెందిన దేశాలకు దీటుగా తెలంగాణ పోలీసు వ్యవస్థ ఉండాలని ముఖ్యమంత్రి సంకల్పించినట్లు డీజీపీ మహేందర్రెడ్డి తెలిపారు. సాంకేతికతతో ప్రజలకు మరింత చేరువయ్యామని అన్నారు. పౌరుల సహకారంతో భాగ్యనగరాన్ని నేర రహితంగా తీర్చిదిద్దుతామని పేర్కొన్నారు.
