కిల్లర్ లేడీ

ఒక రైలు ప్రయాణం వారి జీవితాలను అనుకోని మలుపులు తిప్పింది. పరిచయం కాస్తా వివాహేతర సంబంధానికి దారితీసి ప్రియుడి ప్రాణాన్ని బలితీసుకుంది. సస్పెన్స్​ థ్రిల్లర్​ని తలపించే ఈ కథ చివరికి కాటికే చేరింది.

ఫిబ్రవరి17న నమోదైన మిస్సింగ్​ కేసును ఛేదించిన గద్వాల పోలీసులకు కళ్లు తిరిగే నిజాలు బయటపడ్డాయి. 16న డబ్బులు తీసుకొచ్చేందుకు వెళ్తున్నానని శ్రీనివాసులు తన భార్య సుజాతకు చెప్పి ఏపీలోని మార్కాపురం వెళ్లాడు. 17న ఫోన్ చేసి ఎవరో తనను కొడుతున్నారని చెప్పి కట్​ చేశాడు. భయపడ్డ సుజాత మళ్లీ ఫోన్ చేయగా మీ భర్తను ఎవరో గుర్తు తెలియని వ్యక్తులు డోన్ రైల్వే స్టేషన్​లో కొడుతున్నారని చెప్పి స్విఛాఫ్ చేశారు. సుజాతకు అనుమానం వచ్చి గద్వాల పట్టణ పోలీసులకు ఫిర్యాదు చేసింది. దర్యాప్తులో అసలు విషయం బయటపడింది.
ఇంట్లో తెలిసిందని చంపేసింది..!

ప్రకాశం జిల్లామార్కాపురానికి చెందిన స్వాతి, భర్త రమణారెడ్డి హైదరాబాదులో నివాసం ఉండేవారు. స్వాతి తన తల్లిదండ్రులను చూసేందుకు తరచూ గుంటూరు ప్యాసింజర్​లో ప్రయాణం చేసేది. వ్యాపార నిమిత్తం హైదరాబాద్​కు వెళ్తున్న శ్రీనివాసులు​కు ఓసారి రైలులో సీటిచ్చింది.ఆపరిచయం కాస్తా వివాహేతర సంబంధానికి దారి తీసింది. ఇంతటితో ఆగకుండా శ్రీనివాసులు​ పెళ్లి చేసుకుందామని స్వాతిపై ఒత్తిడి తీసుకొచ్చాడు. అప్పటికే పెళ్లయిన స్వాతికిఏమాత్రం ఇష్టంలేదు. శ్రీనివాసులుని అడ్డు తొలిగించుకునేందుకు తండ్రి, తమ్ముడితో కలిసిపథకం రచించింది.

అడవుల్లో కాల్చేశారు..!

ఎప్పటిలాగే ప్రియుడు శ్రీనివాసులుని పిలిపించిన స్వాతి..తన తమ్ముడు, తండ్రి సాయంతో దారుణంగా కొట్టి చంపించింది. ఆ తర్వాత మార్కాపురం సమీపంలోని అడవుల్లో శవాన్ని కాల్చేశారు.సెల్​ఫోన్ కాల్స్ ఆధారంగా వివరాలు సేకరించిన పోలీసులు హంతకులను పట్టుకున్నారు. తమదైన స్టైల్లో విచారించి నిజాలు కక్కించారు. స్వాతితోపాటు ఆమె తమ్ముడు, తండ్రిని రిమాండ్​కి తరలించారు.

ఇదీ చదవండి:మరో ముగ్గురు అరెస్ట్