తెలంగాణ

telangana

కారు లోన్​ కావాలా? అయితే ఈ అంశాలను గుర్తుంచుకోండి!

By ETV Bharat Telugu Team

Published : Nov 19, 2023, 11:24 AM IST

Things To know Before Applying Car Loan : మీరు కొత్త కారు కొనుగోలు చేద్దామనే ఆలోచనతో ఉన్నారా? అందుకోసం లోన్​ తీసుకోవాలని చూస్తున్నారా? అయితే దీని కంటే ముందు మీరు కొన్ని విషయాలను దృష్టిలో ఉంచుకోవాల్సిన అవసరం ఎంతైనా ఉంది? మరి అవేంటో తెలుసుకుందామా?

car loan tips and tricks
Things To know Before Applying Car Loan

Things To know Before Applying Car Loan : చాలా మందికి ఓ మంచి కారు కొనాలనే కల ఉంటుంది. అందుకోసం బ్యాంకు లోన్ ​తీసుకోవాలని అనుకుంటుంటారు. అయితే కారు కొనేందుకు.. సరైన ప్రణాళిక అవసరమని ఆర్థిక నిపుణులు అంటున్నారు. మరి ఆ ప్రణాళిక ఏ విధంగా ఉంటే మంచిది? వాహన రుణం​ తీసుకోవడానికి ముందు ఏయే విషయాలు పరిగణనలోకి తీసుకోవాలి అనే వివరాలు మీ కోసం.

సిబిల్​ స్కోరు ఉందా?
లోన్​ కోసం అప్లై చేసే సమయంలో బ్యాంకులు ముందుగా రుణ గ్రహీతసిబిల్ ​స్కోరును(క్రెడిట్​స్కోరు) విశ్లేషిస్తాయి. తక్కువ క్రెడిట్‌ స్కోరున్న వారికి రుణం ఇచ్చేందుకు బ్యాంకులు ముందుకు రావు. ముఖ్యంగా వెహికల్​ లోన్​ల విషయంలో కాస్త జాగ్రత్తగానే ఉంటాయి. కనుక, కారు కొనాలని అనుకున్న వెంటనే సిబిల్​ స్కోరును గమనించాలి. అందులో ఏమైనా వ్యత్యాసాలను మీరు గమనించినట్లయితే వెంటనే సంబంధిత బ్యాంకు, క్రెడిట్​బ్యూరోల దృష్టికి తీసుకెళ్లాలి. స్కోరు 750కి మించి ఉన్నప్పడే అనుకున్న లోన్​ అందుకునేందుకు వీలవుతుంది.

వివిధ బ్యాంకుల వడ్డీరేట్లను పోల్చిచూడండి
ముందుగా వివిధ బ్యాంకులు అందిస్తున్న రుణాలను, వాటి వడ్డీ రేట్లను సరిపోల్చుకోండి.బ్యాంకుల అధికారిక వెబ్‌సైట్ల ద్వారా, ఈ వివరాలు సులభంగానే తెలుసుకోవచ్చు. కారు లోన్​ సాధారణంగా ఏడేళ్లపాటు ఉంటుంది. కనుక, రుణదాత విషయంలో కాస్త జాగ్రత్తగానే ఉండాలి. వాయిదా గడువు తేదీ దాటితే విధించే జరిమానాలతో పాటు, అన్ని రుసుముల గురించి అవగాహన పెంచుకోవాల్సిన అవసరం ఉంది. ఎంత వరకూ లోన్​ ఇస్తున్నారో చూసుకోండి. కొన్ని బ్యాంకులు ఆన్‌రోడ్‌ ప్రైస్​పై 100 శాతం రుణాలు ఇస్తున్నాయి. మీ అర్హతకు అనుగుణంగా, ఇలాంటివీ చూడొచ్చు. వీలైనంత వరకూ తక్కువ లోన్​ తీసుకోవడమే ఎల్లప్పుడూ మంచిదనే విషయాన్ని గుర్తుంచుకోండి.

తక్కువ వడ్డీ ఉన్న బ్యాంకు నుంచి..
మీ సాలరీ అకౌంట్​ లేదా సేవింగ్​ ఖాతా ఉన్న బ్యాంకు నుంచి సులభంగా రుణం పొందవచ్చు. అయితే ఇతర బ్యాంకుతో పోలిస్తే వడ్డీ రేటు కాస్త అధికంగా ఉందనుకుందాం. అప్పుడు తక్కువ వడ్డీ రేటు ఉన్న బ్యాంకులో రుణం తీసుకోవడమే ఉత్తమం. వడ్డీ రేటులో చిన్న వ్యత్యాసం మీ దీర్ఘకాలిక చెల్లింపులపై పెద్ద ప్రభావాన్ని చూపుతుంది. వివిధ వడ్డీ రేట్ల ఆధారంగా ఈఎంఐ ఎంత చెల్లించాలో అంచనా వేసుకోండి. తక్కువ వడ్డీ ఉన్న బ్యాంకు నుంచి వాహన రుణం తీసుకోవడమే ఎల్లప్పుడూ ఉత్తమం.

ఇప్పటికే లోన్స్​ ఉంటే..
కొత్త లోన్​ తీసుకునే ముందు ఇప్పటికే ఉన్న రుణాల సంగతినీ చూడాలి. మీకు వచ్చే ఆదాయం, రుణాలను తిరిగి చెల్లించే సామర్థ్యం చూసుకోవాలి. అధిక రుణ-ఆదాయ (క్రెడిట్​-ఇన్​కమ్ రేషియో) నిష్పత్తి క్రెడిట్‌ స్కోరును ప్రభావితం చేస్తుంది. కనుక, కారు కొనేందుకు లోన్​ తీసుకునే ముందు చిన్న చిన్న రుణాలను తీర్చేయండి. అప్పుడు మీకు అప్పు ఎక్కువ లభించే అవకాశం ఉంటుంది. ముఖ్యంగా రూ.50వేల లోపు పర్సనల్​ లోన్​లు తిరిగి చెల్లించేయండి. మీ బ్యాంకు నుంచి మీకు ఇప్పటికే ముందస్తు లోన్​ మంజూరయ్యిందా ఒకసారి చూసుకోండి. అప్పుడు కారు కొనుగోలు మరింత సులభం అవుతుంది.

కారు కొనడానికి లోన్‌ కావాలా? తక్కువ వడ్డీకే ఎస్‌బీఐ రుణం! ఈజీ ఈఎంఐ

హోమ్​ లోన్స్​పై ఈ బ్యాంకుల్లో తక్కువ వడ్డీ- పైగా బోలెడన్ని బెనిఫిట్స్​!

For All Latest Updates

ABOUT THE AUTHOR

...view details