Stock Market Today 11th September 2023 : భారీ లాభాలతో ముగిసిన స్టాక్​మార్కెట్లు.. నిఫ్టీ@20,000.. ఆల్​టైమ్ హైరికార్డ్

Stock Market Today 11th September 2023 : సోమవారం దేశీయ స్టాక్​ మార్కెట్లు మంచి లాభాలతో ముగిశాయి. నిఫ్టీ 50 ఆల్​టైమ్ హై లెవల్​ 20,000 పాయింట్లను మొదటిసారి దాటింది. దేశీయ ఆర్థిక వృద్ధిపై మదుపరులు ఆశాజనకంగా ఉండడమే ఇందుకు కారణం.

Stock Market Today 11th September 2023 : దేశీయ స్టాక్​మార్కెట్లు వరుసగా 7వ రోజు కూడా భారీ లాభాలతో ముగిశాయి. నిఫ్టీ 50 మొదటిసారిగా 20,000 పాయింట్లు దాటి ఆల్​టైమ్​ హై రికార్డ్​ను నమోదుచేసింది. దేశీయ పెట్టుబడిదారులు భారత ఆర్థిక వ్యవస్థ వృద్ధిపై ఆశాజనకంగా ఉండడమే ఇందుకు కారణం.

బొంబాయి స్టాక్​ ఎక్స్ఛేంజి సూచీ సెన్సెక్స్​ 528 పాయింట్లు లాభపడి 67,127 వద్ద ముగిసింది. జాతీయ స్టాక్​ ఎక్స్ఛేంజి సూచీ నిఫ్టీ 176 పాయింట్లు వృద్ధి చెంది 19,996 వద్ద స్థిరపడింది.

• లాభాలు పొందిన షేర్స్​ : విప్రో, టాటాస్టీల్​, మారుతి సుజుకి, ఎస్​బీఐ, టాటా మోటార్స్​, టీసీఎస్​, టైటాన్​, ఇన్ఫోసిస్​
• నష్టపోయిన స్టాక్స్​ : ఎల్​ అండ్ టీ, బజాజ్​ఫిన్​సెర్వ్​

అన్నీ మంచి శకునములే!
India Stock Market Today : జీ20 సమ్మిట్​ విజయవంతంగా ముగియడం, విదేశీ పెట్టుబడుల ప్రవాహం పెరగడం కూడా దేశీయ స్టాక్​మార్కెట్లకు కలిసి వచ్చింది. దీనికి తోడు జీఎస్టీ వసూళ్లు పెరగడం, ప్రైవేట్​ కేపిటల్ ఎక్స్​పెండీచర్​, క్రెడిట్​ గ్రోత్​ వృద్ధి చెందడం సహా, ద్రవ్యోల్బణం తగ్గుముఖం పడుతుందనే అంచనాలు.. మదుపరుల సెంటిమెంట్​ను బాగా బలపరిచాయి.

నిఫ్టీ 50 ఆల్​టైమ్ హైరికార్డ్
Nifty 50 Hits 20000 Level : సోమవారం నిఫ్టీ 50 మొదటిసారిగా 20,008 పాయింట్ లెవల్​ను టచ్​ చేసి ఆల్​టైమ్ హైరికార్డ్​ను నెలకొల్పింది. చివరికి 19,996.35 పాయింట్ల వద్ద ముగిసింది.

ఆసియా మార్కెట్లు
Asian Markets Today: సోమవారం ఆసియా మార్కెట్లు సియోల్​, షాంగైలు భారీ లాభాలతో ముగియగా.. టోక్యో, హాంకాంగ్ మార్కెట్లు నష్టాలతో ట్రేడింగ్​ ముగించాయి.

యూఎస్​, యూరోపియన్ మార్కెట్స్​
European Markets Today :శుక్రవారం యూఎస్​ మార్కెట్లు లాభాలతో ముగియగా.. ప్రస్తుతం యూరోపియన్ మార్కెట్లు కూడా లాభాలతో ట్రేడ్​ అవుతున్నాయి.

ముడిచమురు ధరలు
Crude Oil Price Today 11th September 2023 :అంతర్జాతీయ మార్కెట్​లో ముడిచమురు ధరలు 0.23 శాతం తగ్గాయి. ప్రస్తుతం బ్యారెల్ ముడిచమురు ధర 90.35 డాలర్లుగా ఉంది.