చిన్న మొత్తాల పొదుపు పథకాల వడ్డీ రేట్లపై కేంద్రం కీలక నిర్ణయం

small savings schemes interest rates: చిన్న మొత్తాల పొదుపు పథకాలపై కీలక నిర్ణయం తీసుకుంది కేంద్రం. దేశంలో పెరిగిన ద్రవ్యోల్బణం కారణంగా ఈ ఆర్థిక ఏడాది తొలి త్రైమాసికంలో ఎన్​ఎస్​సీ, పీపీఎఫ్​ సహా ఇతర పొదుపు పథకాలపై వడ్డీ రేట్లను యథాతథంగా కొనసాగించాలని నిర్ణయించింది. అయితే, ఏ పథకంపై ఎంత వడ్డీ రేటు వస్తుందో తెలుసుకుందాం.

small savings schemes interest rates: నేషనల్​ సేవింగ్స్​ సర్టిఫికెట్​(ఎన్​ఎస్​సీ), పబ్లిక్​ ప్రొవిడెంట్​ ఫండ్​(పీపీఎఫ్)​ సహా మిగతా చిన్న మొత్తాల పొదుపు పథకాలపై వడ్డీ రేట్లను యథాతథంగా ఉంచుతూ గురువారం నిర్ణయం తీసుకుంది కేంద్ర ప్రభుత్వం. ద్రవ్యోల్బణం పెరిగిన కారణంగా 2022-23 ఆర్థిక సంవత్సరం తొలి త్రైమాసికానికి ప్రస్తుతం ఉన్న వడ్డీ రేట్లే కొనసాగుతాయని తెలిపింది. 2020-21 ఆర్థిక ఏడాది తొలి త్రైమాసికం నుంచి వీటిపై వడ్డీరేట్లలో ఎలాంటి మార్పులు చేయకపోవటం గమనార్హం. తాజా నిర్ణయంతో పీపీఎఫ్​, ఎన్​ఎస్​సీలపై తొలి త్రైమాసికంలో వడ్డీ రేటు వరుసగా 7.1శాతం, 6.8 శాతంగా కొనసాగనుంది. ఈ మేరకు కేంద్ర ఆర్థిక శాఖ నోటిఫికేషన్​ జారీ చేసింది.

"2022, ఏప్రిల్​ 1న మొదలై.. 2022, జూన్​ 30న ముగియనున్న తొలి త్రైమాసికానికి వివిధ చిన్న మొత్తాల పొదుపు పథకాలపై వడ్డీ రేట్లు యథాతథంగా కొనసాగుతాయి. 2021-22 ఆర్థిక ఏడాది చివరి త్రైమాసికంలో అమలవుతున్న వడ్డీ రేట్లే ఇప్పుడూ వర్తిస్తాయి."

- కేంద్రం ఆర్థిక శాఖ.

పథకం	వడ్డీ రేటు%	వడ్డీ జమ/చెల్లింపు వ్యవధి
పీపీఎఫ్	7.1	ఏడాదికోసారి
ఎన్​ఎస్​సీ	6.8	ఏడాదికోసారి
ఏడాది టర్మ్​ డిపాజిట్​	5.5	మూడు నెలలకోసారి
సుకన్య సమృద్ధి యోజన	7.6	మూడు నెలలకోసారి
ఐదేళ్ల వయోవృద్ధుల పొదుపు పథకం	7.4	మూడు నెలలకోసారి
పొదుపు ఖాతాలపై	4	ఏడాదికోసారి
1-5 ఏళ్ల టర్మ్​ డిపాజిట్లు	5.6-6.7	మూడునెలలకోసారి
ఐదేళ్ల రికరింగ్​ డిపాజిట్లు	5.8	మూడు నెలలకోసారి

ఇదీ చూడండి:ప్రభుత్వ ఉద్యోగులకు గుడ్​న్యూస్​- డీఏ పెంపు