15:46 March 17
కుప్పకూలిన మార్కెట్లు..
దేశీయ స్టాక్ మార్కెట్ సూచీలు.. బుధవారం భారీ నష్టాలను నమోదుచేశాయి. సెన్సెక్స్ 562 పాయింట్లు కోల్పోయింది. చివరకు 49 వేల 802 వద్ద స్థిరపడింది.
నిఫ్టీ 189 పాయింట్ల నష్టంతో.. 14 వేల 721కి చేరింది.
2115 షేర్లు పతనమయ్యాయి. 818 షేర్లు రాణించాయి. 138 షేర్లలో ఎలాంటి మార్పూ లేదు.
లాభనష్టాల్లో..
ఓఎన్జీసీ, బీపీసీఎల్, టాటా మోటార్స్, అదానీ పోర్ట్స్, కోల్ ఇండియా భారీ నష్టాల్లో ముగిశాయి.
ఐటీసీ, టీసీఎస్, ఇన్ఫోసిస్, హెచ్డీఎఫ్సీ లాభాల్లో సెషన్ను ముగించాయి.
15:22 March 17
భారీ నష్టాల్లో మార్కెట్లు..
స్టాక్మార్కెట్లు భారీ నష్టాల్లో సాగుతున్నాయి. సెన్సెక్స్ 600కుపైగా పాయింట్లు నష్టపోయి.. 49 వేల 750 వద్ద కొనసాగుతోంది.
నిఫ్టీ 120 పాయింట్లు కోల్పోయి.. 14 వేల 790 వద్ద ట్రేడవుతోంది.
11:41 March 17
నష్టాల్లోకి స్టాక్మార్కెట్లు- 50వేల మార్క్ను కోల్పోయిన సెన్సెక్స్
స్టాక్ మార్కెట్లు నష్టాల్లో కొనసాగుతున్నాయి. బీఎస్ఈ-సెన్సెక్స్ 412పాయింట్లు కోల్పోయి 49,957 వద్ద ట్రేడవుతోంది. ఎన్ఎస్ఈ-నిఫ్టీ 139 పాయింట్ల నష్టంతో 14,771 వద్ద కొనసాగుతోంది.
10:55 March 17
అంతర్జాతీయ ప్రతికూలతలు.. ఒడుదొడుకుల్లో సూచీలు
అంతర్జాతీయ ప్రతికూలతల కారణంగా స్టాక్ మార్కెట్లు ఒడుదొడుకుల్లో సాగుతున్నాయి. బీఎస్ఈ-సెన్సెక్స్ 100 పాయింట్లు కోల్పోయి 50,250 వద్ద ట్రేడవుతోంది. ఎన్ఎస్ఈ-నిఫ్టీ 40 పాయింట్ల నష్టంతో 14,870 వద్ద కొనసాగుతోంది.
09:36 March 17
ఐటీ షేర్ల దూకుడు.. స్వల్ప లాభాల్లో సూచీలు
ఐటీ షేర్లు లాభాల్లో కొనసాగుతున్నాయి. దీంతో మొదట నష్టాలో ప్రారంభమైన మార్కెట్లు పుంజుకుంటున్నాయి. బీఎస్ఈ-సెన్సెక్స్ 52 పాయింట్లు పెరిగి 50,416 వద్దకు చేరింది. ఎన్ఎస్ఈ-నిఫ్టీ 5 పాయింట్ల స్వల్ప లాభంతో 14,916 వద్ద కొనసాగుతోంది.
08:02 March 17
ఆర్థిక షేర్ల కుదేలు.. స్వల్ప నష్టాల్లో సూచీలు
స్టాక్ మార్కెట్లు బుధవారం స్వల్ప నష్టాలతో ప్రారంభమయ్యాయి. బీఎస్ఈ-సెన్సెక్స్ 36 పాయింట్లు కోల్పోయి 50,327 వద్దకు చేరింది. ఎన్ఎస్ఈ-నిఫ్టీ 19 పాయింట్లకుపైగా నష్టంతో 14,910 వద్ద కొనసాగుతోంది.
మదుపరులు సొమ్ము చేసుకునే పనిలో పడటమే నష్టాలకు ప్రధాన కారణంగా తెలుస్తోంది.