15:37 April 19
14,400 దిగువకు నిఫ్టీ..
స్టాక్ మార్కెట్లు వారంలో మొదటి సెషన్ను భారీ నష్టాలతో ముగించాయి. సెన్సెక్స్ 883 పాయింట్ల నష్టంతో 47,949 వద్దకు చేరింది. నిఫ్టీ 258 పాయింట్లు కోల్పోయి 14,359 వద్ద స్థిరపడింది.
30 షేర్ల ఇండెక్స్లో డాక్టర్ రెడ్డీస్, ఇన్ఫోసిస్ స్వల్పంగా లాభపడ్డాయి. పవర్గ్రిడ్, ఇండస్ఇండ్ బ్యాంక్, ఓఎన్జీసీ, కోటక్ మహీంద్రా బ్యాంక్ భారీగా నష్టపోయాయి.
14:04 April 19
కొనసాగుతున్న నష్టాలు..
స్టాక్ మార్కెట్లు భారీ నష్టాల్లో కొనసాగుతున్నాయి. సెన్సెక్స్ 870 పాయింట్లకుపైగా క్షీణించి.. 47,952 వద్ద ట్రేడవుతోంది. నిఫ్టీ దాదాపు 260 పాయింట్ల నష్టంతో 14,358 వద్ద కొనసాగుతోంది. మిడ్ సెషన్ ముందుతో పోలిస్తే నష్టాలు కాస్త తగ్గాయి.
10:46 April 19
ఇండస్ఇండ్ 4.4 శాతం డౌన్..
స్టాక్ మార్కెట్లు భారీ నష్టాల్లో స్థిరంగా కొనసాగుతున్నాయి. సెన్సెక్స్ 1,120 పాయింట్లకుపైగా కోల్పోయి 47,717 వద్ద ట్రేడవుతోంది. నిఫ్టీ 310 పాయింట్లకుపైగా నష్టంతో 14,301 వద్ద ట్రేడింగ్ సాగిస్తోంది.
09:05 April 19
బ్యాంకింగ్ షేర్ల బెంబేలు...
స్టాక్ మార్కెట్లు సోమవారం భారీ నష్టాలతో ప్రారంభమయ్యాయి. బీఎస్ఈ-సెన్సెక్స్ దాదాపు 1230 పాయింట్ల నష్టంతో 47,602 వద్ద ట్రేడవుతోంది. ఎన్ఎస్ఈ-నిఫ్టీ దాదాపు 360 పాయింట్లు కోల్పోయి 14,258 వద్ద కొనసాగుతోంది.
దేశంలో కరోనా కేసులు ఆందోళనకర స్థాయిలో పెరుగుతుండటం నష్టాలకు ప్రధాన కారణంగా తెలుస్తోంది. బ్యాంకింగ్ షేర్లు తీవ్ర అమ్మకాల ఒత్తిడి ఎదుర్కొంటున్నాయి.
30 షేర్ల ఇండెక్స్లో అన్ని కంపెనీలు నష్టాల్లోనే ట్రేడవుతున్నాయి.
ఇండస్ఇండ్ బ్యాంక్, బజాజ్ ఫినాన్స్, బజాజ్ ఆటో, ఐసీఐసీఐ బ్యాంక్, ఎస్బీఐ, యాక్సిస్ బ్యాంక్ షేర్లు ప్రధానంగా నష్టాల్లో ఉన్నాయి.
