12:17 November 17
నష్టాల్లో మార్కెట్లు..
దేశీయ స్టాక్ మార్కెట్లు ఒడుదొడుకుల్లో ట్రేడవుతున్నాయి. సెషన్ ఆరంభంలో నష్టాల్లో ఉన్న మార్కెట్లు.. కాసేపటికే సానుకూలంగా ట్రేడయ్యాయి. అయితే.. అంతర్జాతీయ మిశ్రమ సంకేతాలతో తిరిగి నష్టాల్లోకి జారుకున్నాయి. బీఎస్ఈ- సెన్సెక్స్ 114 పాయింట్లకుపైగా కోల్పోయి 60,208 వద్ద ట్రేడవుతోంది. నిఫ్టీ 45 పాయింట్లు కోల్పోయి 18వేల దిగువకు చేరింది.
ఫార్మా, బ్యాంకింగ్ షేర్లు అమ్మకాల ఒత్తిడిని ఎదుర్కొంటుండగా.. ఐటీ షేర్లు రాణిస్తున్నాయి.
10:26 November 17
స్టాక్ మార్కెట్ లైవ్ అప్డేట్
నష్టాలతో ప్రారంభమైన స్టాక్ మార్కెట్ సూచీలు స్వల్ప లాభాల్లోకి వచ్చాయి. సెన్సెక్స్.. స్వల్పంగా 34 పాయింట్లు లాభపడి 60,356వద్ద కదలాడుతోంది. అటు.. నిఫ్టీ సైతం ఆరంభ నష్టాల నుంచి తేరుకుని అతిస్వల్పంగా 7 పాయింట్ల వృద్ధితో.. 18,006 వద్ద ట్రేడవుతోంది.
08:42 November 17
స్టాక్ మార్కెట్లు లైవ్
స్టాక్ మార్కెట్లు (Stocks today) బుధవారం నష్టాలతో ప్రారంభమయ్యాయి. బీఎస్ఈ-సెన్సెక్స్ (Sensex today) 152 పాయింట్లకు పైగా నష్టంతో.. 60,171 వద్ద ట్రేడవుతోంది. ఎన్ఎస్ఈ-నిఫ్టీ (Nifty today) దాదాపు 42 పాయింట్లు క్షీణించి 17,958 వద్ద కొనసాగుతోంది.