బడ్జెట్​ జోష్​- స్టాక్​ మార్కెట్లకు భారీ లాభాలు

15:46 February 01

ప్రగతి రథాన్ని పరుగులు పెట్టించడమే లక్ష్యంగా కేంద్రం తీసుకొచ్చిన బడ్జెట్​ మదుపర్లలో ఉత్సాహం నింపగా.. స్టాక్ మార్కెట్లు భారీ లాభాలు నమోదు చేశాయి. బొంబాయి స్టాక్ ఎక్స్చేంజి సూచీ-సెన్సెక్స్ 848 పాయింట్లు లాభపడి 58,863 వద్ద స్థిరపడింది. జాతీయ స్టాక్ ఎక్స్చేంజి సూచీ-నిఫ్టీ 237 పాయింట్ల వృద్ధితో 17,577 వద్ద ముగిసింది.

ఇంట్రాడే సాగిందిలా..

బడ్జెట్ నేపథ్యంలో సెన్సెక్స్ ఉదయం 58,672 పాయింట్ల వద్ద భారీ లాభాలతో ప్రారంభమయ్యాయి. మిడ్ సెషన్ వరకు లాభాలతో కొనసాగాయి. 59,032 వద్ద సెన్సెక్స్ గరిష్ఠాన్ని చేరింది. బడ్జెట్ ప్రసంగం అనంతరం కొద్దిసేపు ఒడుదొడుకులకు లోనై 57,737 పాయింట్ల వద్ద కనిష్ఠ స్థాయిని తాకింది. ఆ తర్వాత సూచీలు లాభాలవైపు పయనించాయి. చివరకు సెన్సెక్స్ 848 పాయింట్లు లాభపడి 58,863 వద్ద స్థిరపడింది.

ఎన్​ఎస్​ఈ-నిఫ్టీ 17,529 వద్ద లాభాలతో ప్రారంభమైంది. ఇంట్రాడేలో 17,622 పాయింట్ల గరిష్ఠానికి చేరి.. 17,244వద్ద కనిష్ఠాన్ని తాకింది.

లాభనష్టాల్లోనివి ఇవే..

సెన్సెక్స్​ 30 ప్యాక్​లో టాటా స్టీల్​, సన్​ ఫార్మా, అల్ట్రాటెక్​ సిమెంట్​, ఇండస్​ఇండ్​ బ్యాంక్​, ఎల్​ అండ్​ టీ రాణిస్తున్నాయి.

రిలయన్స్​, ఎన్​టీపీసీ, మారుతీ సుజుకీ, డాక్టర్​ రెడ్డీస్, ఎస్​బీఐ, ఎం అండ్​ ఎం, పవర్​ గ్రిడ్​ నష్టపోయాయి.

14:20 February 01

మార్కెట్లకు మళ్లీ లాభాలు..

బడ్జెట్​ ప్రసంగం ముగిసిన తర్వాత.. ఒడుదొడుకులకు లోనై నష్టాల్లోకి వెళ్లిన సూచీలు మళ్లీ పుంజుకున్నాయి. సెన్సెక్స్​ ప్రస్తుతం 750 పాయింట్లు పెరిగి.. 58 వేల 770 ఎగువన కొనసాగుతోంది.

నిఫ్టీ 211 పాయింట్ల లాభంతో.. 17 వేల 550 పైకి చేరింది.

లాభనష్టాల్లో..

సెన్సెక్స్​ 30 ప్యాక్​లో టాటా స్టీల్​, సన్​ ఫార్మా, అల్ట్రాటెక్​ సిమెంట్​, ఇండస్​ఇండ్​ బ్యాంక్​, ఎల్​ అండ్​ టీ రాణిస్తున్నాయి.

ఎన్​టీపీసీ, మారుతీ సుజుకీ, డాక్టర్​ రెడ్డీస్, ఎస్​బీఐ, ఎం అండ్​ ఎం, పవర్​ గ్రిడ్​ నష్టపోయాయి.

13:04 February 01

బడ్జెట్ ప్రసంగం తర్వాత స్టాక్ మార్కెట్ల జోరు కాస్త తగ్గింది. ప్రస్తుతం సెన్సెక్స్ 200 పాయింట్ల లాభంతో 58 వేల 230 వద్ద ట్రేడవుతోంది. నిఫ్టీ 45 పాయింట్ల వృద్ధితో 17వేల 380 వద్ద కొనసాగుతోంది.

12:44 February 01

కేంద్ర ఆర్థిక మంత్రి నిర్మలా సీతారామన్​ బడ్జెట్​ ప్రసంగం ముగిసింది. ఈ నేపథ్యంలో దేశీయ స్టాక్​ మార్కెట్​ సూచీలు లాభాల్లో పయనిస్తున్నాయి.

సెన్సెక్స్​ 900 పాయింట్లకుపైగా లాభంతో.. 58 వేల 933 వద్ద ట్రేడవుతోంది.

నిఫ్టీ 250 పాయింట్లు పెరిగి.. 17 వేల 580 ఎగువన కొనసాగుతోంది.

లాభనష్టాల్లో..

సెన్సెక్స్​ 30 ప్యాక్​లో సన్​ ఫార్మా అత్యధికంగా 5 శాతానికిపైగా పెరిగింది. ఇండస్​ఇండ్​ బ్యాంక్​, టాటా స్టీల్​, అల్ట్రాసిమెంట్​, ఎల్​ అండ్​ టీ, ఇన్ఫీ కూడా రాణిస్తున్నాయి.

ఎం అండ్​ ఎం, భారతీ ఎయిర్​టెల్​, మారుతీ, పవర్​గ్రిడ్​, ఎస్​బీఐ నష్టాల్లో ఉన్నాయి.

11:43 February 01

కాస్త తగ్గిన సూచీలు..

బడ్జెట్​ ప్రసంగం సమయంలో స్టాక్​ మార్కెట్లు ఒడుదొడుకులకు లోనవుతున్నాయి. ఓ దశలో దాదాపు 900 పాయింట్లు పెరిగిన సెన్సెక్స్​.. మళ్లీ వెనక్కి తగ్గింది. ప్రస్తుతం 650 పాయింట్ల లాభంతో 58 వేల 666 వద్ద ట్రేడవుతోంది.

11:12 February 01

పార్లమెంటులో బడ్జెట్​.. దూసుకెళ్తున్న సూచీలు..

కేంద్ర బడ్జెట్​ నేపథ్యంలో దేశీయ స్టాక్​ మార్కెట్లు భారీ లాభాల్లో ట్రేడవుతున్నాయి.

సెన్సెక్స్​ 800 పాయింట్లకుపైగా పెరిగింది. నిఫ్టీ 230 పాయింట్ల లాభంలో ఉంది.

09:35 February 01

సెన్సెక్స్​ 700 ప్లస్​..

స్టాక్​ మార్కెట్లు లాభాల్లో దూసుకెళ్తున్నాయి. సెన్సెక్స్ 700 పాయింట్లకుపైగా వృద్ధితో 58 వేల 725 వద్ద ట్రేడవుతోంది. నిఫ్టీ 240 పాయింట్లు పెరిగి 17వేల 340 వద్ద కొనసాగుతోంది.

08:50 February 01

బడ్జెట్​కు ముందు దూసుకెళ్తున్న సూచీలు

Stockmarket live updates: కేంద్ర ప్రభుత్వం ఇవాళ బడ్జెట్ ప్రవేశపెట్టనున్న నేపథ్యంలో.. దేశీయ స్టాక్​ మార్కెట్లు భారీ లాభాల్లో ప్రారంభమయ్యాయి. బొంబాయి స్టాక్​ ఎక్స్చేంజి సూచీ సెన్సెక్స్​ 700 పాయింట్లకుపైగా లాభంతో సెషన్​ను ప్రారంభించింది. ​

ప్రస్తుతం 550 పాయింట్లు పెరిగి.. 58 వేల 565 వద్ద ట్రేడవుతోంది.

జాతీయ స్టాక్​ ఎక్స్చేంజి సూచీ నిఫ్టీ 240 పాయింట్ల లాభంతో.. 17 వేల 339 వద్ద కొనసాగుతోంది.

అంతర్జాతీయ మార్కెట్ల సానుకూల సంకేతాలకు తోడు, బడ్జెట్‌పై ఆశలు, ఆర్థిక సర్వే నివేదిక మదుపర్ల సెంటిమెంట్‌ను బలోపేతం చేస్తున్నాయి.

కేంద్ర ఆర్థిక మంత్రి నిర్మలా సీతారామన్‌ ఉదయం 11 గంటలకు లోక్‌సభలో బడ్జెట్‌ను ప్రవేశపెట్టనున్నారు. కరోనాతో అస్తవ్యస్తమైన ఆర్థిక పరిస్థితిని గాడిలో పెట్టేందుకు ప్రభుత్వం పలు చర్యలు తీసుకోవచ్చని మదుపర్లు ఆశిస్తున్నారు. 5 రాష్ట్రాల ఎన్నికల నేపథ్యంలో ఉద్యోగాల సృష్టి, వృద్ధి ఆధారిత పెట్టుబడులు బడ్జెట్‌లో ప్రకటించొచ్చని భావిస్తున్నారు. ఈ నేపథ్యంలోనే నేడు సూచీలు సానుకూలంగా కదలాడుతున్నాయి.

సోమవారం సెషన్​లో కూడా దేశీయ సూచీలు దూసుకెళ్లాయి.

లాభనష్టాల్లోనివి ఇవే..

ఐసీఐసీఐ, ఇండస్​ఇండ్, హెచ్​డీఎఫ్​సీ, ఇన్ఫోసిస్​, సన్​ఫార్మా షేర్లు రాణిస్తున్నాయి.

ఐటీసీ, పవర్​గ్రిడ్​ స్వల్పనష్టాల్లో ఉన్నాయి.

సంబంధం కోసం వెతుకుతున్నారా? తెలుగు మాట్రిమోనిలో రిజిస్ట్రేషన్ ఉచితం!