13:29 May 25
స్టాక్ మార్కెట్లు స్వల్ప లాభాలతో ట్రేడవుతున్నాయి. సెన్సెక్స్ 20 పాయింట్లకుపైగా పెరిగి.. 50,671 వద్ద కొనసాగుతోంది. నిఫ్టీ 20 పాయింట్లకుపైగా లాభంతో 15,217 వద్ద ట్రేడింగ్ సాగిస్తోంది.
10:47 May 25
స్టాక్ మార్కెట్లు కాస్త ఒడుదొడుకులకు లోనవుతున్నాయి.
ఆరంభంలో 200కుపైగా లాభాలతో ప్రారంభమైన సెన్సెక్స్.. ప్రస్తుతం 100 పాయింట్లు లాభంలో కొనసాగుతోంది. 50 వేల 760 ఎగువన ఉంది.
నిప్టీ 50 పాయింట్లు బలపడి.. 15 వేల 250 వద్ద ఉంది.
బ్యాంకింగ్ రంగ షేర్లు నష్టాల్లో..
బ్రిటానియా, జేఎస్డబ్ల్యూ స్టీల్, ఏషియన్ పెయింట్స్, ఓఎన్జీసీ, టాటా స్టీల్ లాభాల్లో ఉన్నాయి.
హెచ్డీఎఫ్సీ బ్యాంక్, యాక్సిస్ బ్యాంక్, ఇండస్ ఇండ్ బ్యాంక్, గ్రేసిమ్, ఎస్బీఐ డీలాపడ్డాయి.
09:18 May 25
లాభాల్లో స్టాక్ మార్కెట్లు.
అంతర్జాతీయంగా సానుకూల సంకేతాలతో స్టాక్మార్కెట్లు లాభాల్లో ట్రేడవుతున్నాయి.
బొంబాయి స్టాక్ ఎక్స్చేంజి సూచీ సెన్సెక్స్ 200కుపైగా పాయింట్లు పెరిగి.. 50 వేల 850 ఎగువన కొనసాగుతోంది.
జాతీయ స్టాక్ ఎక్స్చేంజి సూచీ నిఫ్టీ 70 పాయింట్లు బలపడింది. ప్రస్తుతం 15 వేల 270 వద్ద ఉంది.
లాభనష్టాల్లో..
బ్రిటానియా, జేఎస్డబ్ల్యూ స్టీల్, నెస్లే, హిందాల్కో, టైటాన్ కంపెనీలు లాభాల్లో ఉన్నాయి.
హెచ్డీఎఫ్సీ బ్యాంక్, కోల్ ఇండియా నష్టాల్లో కొనసాగుతున్నాయి.