మార్కెట్లలో లాభాల జోరు- 47,700 పైకి సెన్సెక్స్​

10:07 December 29

బుల్​ దూకుడు..

స్టాక్ మార్కెట్లలో బుల్​ దూకుడు ప్రదర్శిస్తోంది. సెన్సెక్స్ 350 పాయింట్లకుపైగా లాభంతో సరికొత్త రికార్డు స్థాయి అయిన 47,707 వద్ద ట్రేడవుతోంది. నిఫ్టీ 90 పాయింట్లకుపైగా పెరిగి నూతన గరిష్ఠమైన 13,964 వద్ద కొనసాగుతోంది.

బ్యాంకింగ్, ఐటీ షేర్లు లాభాలకు దన్నుగా నిలుస్తున్నాయి. అంతర్జాతీయ సానుకూలతలు, విదేశీ మదుపరుల నుంచి వస్తున్న పెట్టుబడుల మద్దతు లాభాలకు ప్రధాన కారణంగా తెలుస్తోంది.

• ఇండస్ఇండ్ బ్యాంక్, హెచ్​సీఎల్​టెక్, టెక్ మహీంద్రా, హెచ్​డీఎఫ్​సీ, ఐటీసీ, యాక్సిస్ బ్యాంక్ షేర్లు లాభాల్లో ప్రధానంగా ఉన్నాయి.
• ఎన్​టీపీసీ, పవర్​గ్రిడ్, నెస్లే, అల్ట్రాటెక్ సిమెంట్, రిలయన్స్ ఇండస్ట్రీస్, భారతీ ఎయిర్​టెల్ నష్టాల్లో ట్రేడవుతున్నాయి.

ఆసియాలో ఇతర ప్రధాన మార్కెట్లన్నీ దాదాపు సానుకూలంగా ట్రేడవుతున్నాయి.

ముడి చమురు ధరల సూచీ-బ్రెంట్ 0.22 శాతం పెరిగింది. అంతర్జాతీయ మార్కెట్​లో బ్యారెల్ ముడి చమురు ధర 51.06 డాలర్లకు చేరింది.

09:24 December 29

లాభాల్లో మార్కెట్లు

అంతర్జాతీయంగా నెలకొన్న సానుకూల పరిస్థితుల మధ్య దేశీయ స్టాక్ మార్కెట్లు ఇవాళ్టి సెషన్​ను లాభాలతో ప్రారంభించాయి. బొంబాయి స్టాక్ ఎక్స్ఛేంజీ సూచీ సెన్సెక్స్ 260 పాయింట్లకు పైగా పుంజుకుంది. ప్రస్తుతం 47,600 పాయింట్ల వద్ద ట్రేడవుతోంది.

అటు.. జాతీయ స్టాక్ ఎక్స్ఛేంజీ సూచీ నిఫ్టీ సైతం.. లాభాలతోనే ట్రేడింగ్ ప్రారంభించింది. 65 పాయింట్లు వృద్ధి చెంది 13,938 వద్ద కొనసాగుతోంది.

సెన్సెక్స్ షేర్లలో ఇండస్ ఇండ్ బ్యాంక్ అత్యధికంగా 4 శాతం లాభపడింది. బ్యాంకింగ్, ఐటీ, ఆటో రంగాల షేర్లు రాణిస్తున్నాయి. భారతీ ఎయిర్​టెల్ అత్యధికంగా 0.53 శాతం నష్టపోయింది. పవర్​గ్రిడ్, ఎన్​టీపీసీ, నెస్లే ఇండియా, అల్ట్రాటెక్ సిమెంట్ షేర్లు డీలా పడ్డాయి.